ഓസ്കാര്‍ - തെരുവ് പട്ടിക്ക്?

തെരുവിലെ ഒരു ദരിദ്ര ബാലന് 'റിയാലിറ്റി ഷോ' വില്‍ പങ്കെടുത്തു ഒന്നാം സ്ഥാനത്ത് എത്താന്‍ കഴിയുന്ന കഥ പറഞ്ഞ 'Slumdog Millionaire' എന്ന സിനിമയ്ക്ക് ഇത്തവണ ഓസ്കാര്‍ പെരുമഴ. ഇവിടെ ഒരു ചോദ്യം - തെരുവിലെ /ചേരിയിലെ ദരിദ്ര ബാലനെ 'Slumdog' അഥവാ 'തെരുവ് പട്ടി' എന്ന് വിളിക്കുന്നത് ശരിയാണൊ? SLUM -ഇല്‍ താമസിക്കുന്നവര്‍ എല്ലാം DOGS ആണോ?? ആ TITLE ഒഴിവാക്കികൂടായിരുന്നോ? ഒരു വിദേശിക്ക് ഇന്ത്യയോടുള്ള പുശ്ച്ചം ആണോ ഈ തലക്കെട്ടില്‍ നിറയുന്നത്? ഇന്ത്യക്കാരെ മൊത്തത്തില്‍ ആണോ 'പട്ടികള്‍' എന്ന് വിളിച്ചിരിക്കുന്നത്? എ.ആര്‍.റഹ്മാന്‍ ഇതിലും നല്ല എത്രയോ ഗാനങ്ങള്‍ സൃഷ്ടിച്ചിരിക്കുന്നു?

ബുള്ളെറ്റ് ട്രെയിന്‍ കേരളത്തില്‍ ??

ബുള്ളെറ്റ് ട്രെയിന്‍ കേരളത്തില്‍ ഓടിക്കുന്നതിനുള്ള സാധ്യതാ പഠനം നടത്തുമെന്ന്‌ റെയില്‍വേ ബഡ്ജറ്റ് പറയുന്നു. ബുള്ളെറ്റ് ട്രെയിന്‍വേഗത മണിക്കൂറില്‍ 250-350 കി.മി. ആണത്രേ !! എന്തിനാ സാറന്മാരെ വെറുതെ ആശിപ്പിക്കുനത്? കേരളത്തിനെ ഭൂപ്രക്രിതിയ്ക്ക് ഇത്ര വേഗമുള്ള ട്രെയിന്‍ യോജിക്കുമോ? എന്തിനാ വെറുതെ?
വന്ചിനാട് എക്സ്പ്രസ്സ് ഏറണാകുളം വിടുന്നത് രാവിലെ 5 മണിക്കാണ് . അത് തിരുവനന്തപുരത്ത് എത്തുന്നത്‌ 10 മണിക്കും. ദൂരം 220 കി.മി. അതായത് 45-50 കി.മി. വേഗതയിലാണ് ഈ ട്രെയിന്‍ സഞ്ചരിക്കുന്നത്‌. ഇതാണ് കേരളത്തിലോടുന്ന മിക്ക ട്രെയിനുകളുടെയും വേഗത.
ഇപ്പോഴുള്ള അടിസ്ഥാന സൌകര്യങ്ങള്‍ ഒന്നു കൂടി മെച്ചപ്പെടുത്തി 'ഡബിള്‍ ലൈന്‍' പണി പൂര്‍ത്തിയാക്കിയാല്‍ ഒരു 150 കി.മി. വെങതയിലോടുന്ന ട്രെയിനുകളെ ക്കുറിച്ച് നമുക്കു ചിന്തിക്കാം. അപ്പോള്‍ തന്നെ എറണാകുളം-തിരുവനന്തപുരം റൂട്ടില്‍ ഓടാന്‍ രണ്ടു മണിക്കൂറില്‍ താഴെ മതിയാവും. അത് തന്നെ കേരളീയരുടെ ജീവിതത്തില്‍ എത്ര വലിയ മാറ്റം വരുത്തും. .. അത് കൊണ്ടു നമുക്ക്‌ നടക്കുന്ന കാര്യം വല്ലതും ആലോചിക്കാം. എന്നിട്ട് പോരെ 'ബുള്ളെറ്റ് ട്രെയിന്‍' ???

പുതിയ ഒരു പത്രം കൂടി (സ്വപ്നം)

ഞാന്‍ ഇന്നലെ രാത്രി ഒരു സ്വപ്നം കണ്ടു. രാവിലെ പത്രം തുറന്നു ഏഴാം പേജ് നോക്കിയപ്പോള്‍ 'ചരമ കോളം' ഇല്ല!! പകരം, വിവാഹിതരായി, ഒന്നാം ജന്മ ദിനാശംസകള്‍ . . . ഇത്യാദി. നല്ല കാര്യം. ഈ മരിച്ചവരുടെ ഫോട്ടോ കണി കാണുന്നതിന് പകരം ഈ ആശയം കൊള്ളാം. കിണറ്റില്‍ ചാടി, ട്രെയിന്‍ നു തലവച്ചു, വാഹനാപകടം, തൂങ്ങി മരണം ഒന്നും ഇല്ലാ.. . . ഹായ് എന്ത് നല്ല പത്രം. "ശരിക്കും ശുഭദിനം" തന്നെ. ഞാന്‍ ഉടനെ പത്രമാപ്പീസിലെയ്ക്ക് വിളിച്ചു. 'ഇതിനെന്തു ചെലവു വരും?' എന്ന് ചോദിച്ചു. സര്‍ ഇതിന് ഞങ്ങള്‍ പൈസ വാങ്ങുന്നില്ല. ഫ്രീ സര്‍വീസ് ആണ്!!! ആരെങ്കിലും വിവാഹം കഴിച്ചാല്‍, അല്ലെങ്കില്‍ നിങ്ങളുടെ കുട്ടിയുടെ ഒന്നാം പിറന്നാള്‍ ആണെന്കില്‍ ഒരു ഫോട്ടോ കൊണ്ടന്നു തന്നാല്‍ മതി. ബാക്കി ഞങ്ങള്‍ ഏറ്റു.... wow ??!! (എന്തു സുന്ദരമായ സ്വപ്നം)
ഓ. ടോ: നിങ്ങളുടെ പടം പത്രത്തില്‍ സൌജന്യമായി വരണം എങ്കില്‍ നിങ്ങള്‍ മരിക്കണം. പൊതുജനം മരിച്ചവരുടെ വാര്‍ത്തയും ചിത്രവും കാണാന്‍ ഇഷ്ടപ്പെടുന്നു. അല്ലാതെ ജനിച്ചവേരുടെ അല്ല.

"പാക്കിസ്ഥാന്‍ - I LUV U"

പ്രീയ ചിദംബരം, എനിക്കെന്തോ പാക്കിസ്ഥാനെയോ, അവിടുത്തെ ആള്‍ക്കാരെയോ വെറുക്കാന്‍ സാധിക്കുന്നില്ല. ഞാന്‍ എന്റെ കഴിവിന്റെ പരമാവധി ശ്രമിച്ചു നോക്കി. നടക്കുന്നില്ല സര്‍. (ഇതൊരു രോഗമാണോ?) ഞാന്‍ സാറിന്റെയും നമ്മുടെ സര്‍ക്കാരിന്റെയും പല പ്രസ്താവനകളും വായിച്ചു നോക്കി, പാകകിസ്ഥാനെ മനസാ വെറുക്കാന്‍ ശ്രമിച്ചു. പക്ഷെ പറ്റുന്നില്ല സര്‍. എനിക്ക് രാജ്യ സ്നേഹം ഇല്ലേ??!! ഞാന്‍ ആകെ സങ്കടത്തില്‍ ആണ്. എന്നെ രക്ഷിക്കൂ സാര്‍,,, ഞാന്‍ എന്ത് ചെയ്യണം. ദയല്യ്സിസ് ചെയ്തു എന്റെ രക്തം മുഴുവന്‍ മാറ്റിയാലോ? അല്ലെങ്കില്‍ എന്റെ ഈ ക്ര്രൂര ഹൃദയം മാറ്റി വയ്ക്കാനകുമോ? സഹായിക്കൂ.

പ്രേമത്തിന് കണ്ണില്ല

പ്രേമത്തിന് കണ്ണില്ല, മൂക്കില്ല, ചെവിയില്ല . . . ഒന്നുമില്ല??!! കഷ്ടം. കാമുകി കാമുകനെ കൂട്ടി സ്വന്തം ഭര്‍ത്താവിനെ കൊലചെയ്യുന്നു, കാമുകി വന്ചിച്ച കുടുംബ നാഥന്‍ആത്മഹത്യ ചെയ്യുന്നു, സ്വന്തം ഭാര്യയെയും മുഖ്യമന്ത്രി പദം പോലും ഉപേക്ഷിച്ച വേറൊരുത്തന്‍, . . . അയ്യോ കഷ്ടം ഓരോ ദിവസവും കിട്ടുന്ന വാര്‍ത്തകള്‍. "Love is blind" അതെ പ്രണയം അന്ധമാണ്‌, ഇതു പോരെ തെളിവുകള്‍??
പക്ഷെ,
ഇതു പ്രണയമാണോ?
Infactuation = അഭിനിവേശം
Lust = കാമം
Desire = മോഹം
Crazy = ഭ്രാന്ത്
ARE YOU CRAZY ???????????

ഇന്നത്തെ മാതൃഭൂമി

ഇന്നത്തെ മാതൃഭൂമിയും ഒരു 'പ്ലയ്ബോയ്' മാസികയും കയ്യില്‍ കിട്ടിയാല്‍, മാതൃഭൂമി പത്രം വലിച്ചു കീറി നിലത്തിട്ടു ചവിട്ടി കുപ്പയിലിട്ടു കത്തിക്കും. മുഖപജ് നോക്കൂ,, നിരന്നു കിടക്കുന്ന അഞ്ചു പിഞ്ചുകുഞ്ഞുങ്ങളുടെ ശവശരീരങ്ങളുടെ ബഹുവര്‍ണചിത്രം!! അകത്തളങ്ങളില്‍ അത്യാസന്ന നിലയില്‍ കിടക്കുന്ന കുട്ടികളുടെ ചിത്രങ്ങള്‍ - ജീവന്‍രക്ഷാ ഉപകാരങ്ങള്‍ ഘടിപ്പിച്ച നിലയില്‍!! ഈ പത്ര ഫോട്ടോഗ്രാഫര്‍മാര്‍ മനസീകരോഗികള്‍ ആണോ? ഇതൊരു തരം 'സാഡിസം' ആണ്. പത്രപ്രവര്‍ത്തകര്‍ക്ക് നല്ല മനോരോഗ ചികിത്സ കൊടുക്കണം. ഈ കഴുകന്‍ പത്രപ്രവര്‍ത്തനം അവസാനിപ്പിക്കാന്‍ ഇവ്ടാരും ഇല്ലേ? മലയാളത്തിലെ പ്രമുഖ പത്രങ്ങള്‍ 'മ' യില്‍ തുടങ്ങുന്നത് ശരിക്കും അര്‍ത്ഥവത്താണ്.

സ്വകാര്യത - എവിടെ തുടങ്ങുന്നു???

മുംബയ് ഭീകരാക്രമണത്തില്‍ കൊല്ലപെട്ട മേജോര്‍ സന്ദീപിന്റെ വീട്ടില്‍ 'സംസ്കാര ചടങ്ങുകള്‍' കഴിഞ്ഞു രണ്ടു ദിവസം കഴിഞ്ഞു കേരളത്തിലെ മുഖ്യമന്ത്രിയും ആഭ്യന്തര മന്ത്രിയും ചെന്നു. (തിരക്ക് മൂലമാകാം വൈകിയത്!!) മേജര്‍ സന്ദീപിന്റെ വീട്ടുകാര്‍ക്ക് ഇവരെ കാണാന്‍ താല്പര്യമില്ല എന്നറിയിച്ചു. എന്നാല്‍ ഗൃഹനാഥന്റെ കണ്ണ് വെട്ടിച്ച് പിന്‍ വാതിലിലൂടെ പോലീസിന്റെ സഹായത്തോടെ മുഖ്യമന്ത്രി വീട്ടിനകത്ത് പ്രവേശിച്ചു??!! (കഷ്ടം!!) ഇതിപ്പോള്‍ വന്‍ വിവാദമായിരിക്കുന്നു. എനിക്കൊരു സംശയം: ആക്രമണത്താലോ ആത്മത്ത്യയാലോ അപകടത്തിലോ മരണപ്പെടുന്ന വ്യക്തികളുടെ കുടുംബങ്ങങ്ങള്‍ പൊതു സ്വത്താണോ?? അവരുടെ കരച്ചിലും വേദനയും ഏത് ക്യാമറക്കാരനും ഒപ്പിയെടുക്കാമോ. അവരുടെ സ്വകാര്യതയ്ക്ക് യാതൊരു പ്രാധാന്യവും ഇല്ലേ? അടുത്തിടെ ആലപ്പുഴയില്‍ മൂന്നു പെണ്‍കുട്ടികള്‍ ആത്മഹത്യ ചെയ്തപ്പോഴും ക്യാമറകള്‍ അവരുടെ കുടുംബാങ്ങങ്ങളെ എത്തിനോക്കാന്‍ ഓടിയെത്തി. മൃതദേഹത്തെ കെട്ടിപ്പിടിച്ചു കരയുന്ന വീട്ടുകാരെ ക്യാമറയില്‍ ഒപ്പിയെടുത്തു നാട്ടുകാര്‍ക്കു കാണിച്ചു കൊടുത്തിട്ട് ഇവര്ക്ക് എന്ത് കിട്ടാനാണ്‌?? ഉറ്റവരെയും ഉടയവരെയും നഷ്ടപെട്ടവര്‍ പൊട്ടികരയുന്നതും അലമുറയിടുന്നതും ഒപ്പിയെടുക്കുന്ന ക്യമാരക്കാരെ നിങ്ങള്‍ക്കുമില്ലേ അമ്മയും പെങ്ങന്മാരും??!! അവരെ വെറുതെ വിട്ടുകൂടെ? ഇതു അശ്ലീലമാണ്,, ശവത്തില്‍ കുത്തലാണ്,,,