പ്രധാന വാര്‍ത്തകള്‍:

ചിലകാര്യങ്ങള്‍ കാണുമ്പോള്‍ / കേള്‍ക്കുമ്പോള്‍ പ്രതികരിക്കതെ വയ്യ. എവിടെയെങ്കിലും ഒന്നെഴുതിക്കഴിയുമ്പോള്‍ അല്ലെങ്കില്‍ ആരോടെങ്കിലും ഒന്നു പറഞ്ഞാല്‍ . . . എന്തൊരാശ്വാസം.

Tuesday, December 13, 2011

അമൃതയിലെ നഴ്സിംഗ് സമരം

കേരളത്തിലെ സര്‍ക്കാര്‍ പരീക്ഷയെഴുതുന്നവനെയൊക്കെ പത്താം ക്ലാസ്സും പന്ത്രണ്ടാം ക്ലാസ്സും പസാക്കിവിടും. പിന്നെ അവനൊക്കെ എവെടെന്നെങ്കിലും ഇരന്നോ കടം മേടിച്ചോ കര്‍ണാടകയിലും തമിഴ് നാട്ടിലും പോയി നഴ്സിംഗ് പഠിക്കും - വിദേശ ജോലി മോഹിച്ച്. ഇപ്പോ ആഗോള മാന്ദ്യം കാരണം ഒരു രക്ഷയും ഇല്ല! എന്നിട്ട് നാട്ടില്‍ ജോലിയും തേടി നടപ്പാണ്, കിട്ടുന്ന ശമ്പളം മതി! വീട്ടുകാരുടെ ലക്ഷങ്ങള്‍ പൊടിച്ചതല്ലേ? എന്ത് ചെയ്യും പാവങ്ങള്‍? 3000 രൂപയ്ക്കും 12 മണിക്കൂര്‍ പണിയെടുക്കും. ബംഗാളിയും ബീഹാറിയും ഇവിടെ കേരളത്തില്‍ വന്നു ദിവസവും 200 ഉം 300 ഉം വാങ്ങുന്നു. (ഒരു മാസം നഴ്സോ സ്കൂള്‍ ടീച്ചറോ വാങ്ങുന്നതില്‍ കൂടുതല്‍!!) നഴ്സിംഗ് പഠിക്കാത്തത് അവന്റെ ഭാഗ്യം!! ഇനിയുള്ള കാലം നഴ്സിംഗ് പഠിച്ചവര്‍ക്ക് ശനിദിശയാണ്, കാരണം അമേരിക്കയും യൂറോപ്പും പൊട്ടി കൊണ്ടിരിക്കുന്നു! അറബ് നാട്ടിലെ സ്തീകള്‍ നഴ്സിംഗ് പഠിച്ചു വരുന്നു!! ഇനിയെങ്കിലും നിങ്ങളുടെ മക്കളെ ലോണെടുത്ത് കര്‍ണാടകയില്‍ പഠിക്കാന്‍ വിടല്ലേ, പ്ലീസ്‌.... വേറെ വല്ല തൊഴിലും പഠിപ്പിക്കൂ.


അമൃതയിലും ലൂര്‍ദ്ടിലും ലിസ്സിയിലും ജൂബിലി മിഷനിലും എല്ലാം കൊടുക്കുന്നത് നക്കാപിച്ച തന്നെ. പിന്നെന്തിനു നിങ്ങള്‍ അമ്മയുടെ നെഞ്ചില്‍ മാത്രം കയറി കൊലവിളി നടത്തണം?? നാഴ്സുമാര്‍ കേവലം മൂന്നു വര്‍ഷ ഡിപ്ലോമ മാത്രം പഠിച്ചവരാണ്. എന്നാല്‍ ഇതിലും ഭീകരം അല്ലേ, ബിരുദവും ബിരുദാനന്തര ബിരുദവും ബി.എഡും എം.ഫിലും ഒക്കെ പഠിച്ചിട്ടു അച്ചന്മാര്‍ നടത്തുന്ന പ്രൈവറ്റ് സ്കൂളുകളില്‍ പിച്ചക്കാശിനു തൊണ്ടയിലെ വെള്ളം വറ്റിക്കുന്ന ചെറുപ്പക്കാരുടെ കാര്യം? അമ്മയെ മാത്രം 'ടാര്‍ഗറ്റ്' ചെയ്യുന്നത് കാണുമ്പോള്‍ ഇതില്‍ എന്തോ ഒരു ഹിഡന്‍ അജണ്ട ഇല്ലേ എന്നൊരു ...

Friday, May 20, 2011

പുതിയ മുഖ്യമന്ത്രിമാര്‍ - കൌതുകവാര്‍ത്തകള്‍

കുമാരി മമതാ ബാനെര്‍ജി (അവിവാഹിത) പ്രായം: 56

വിദ്യാഭ്യാസയോഗ്യതകള്‍: BA(History),MA(Islamic History),B.Ed(Social Sciences), LLB
----------------------
കുമാരി ജെ ജയലളിത (അവിവാഹിത) പ്രായം: 63


വിദ്യാഭ്യാസയോഗ്യതകള്‍:
പന്ത്രണ്ടാം ക്ലാസ്സില്‍ പഠിത്തം നിര്‍ത്തി, സിനിമയില്‍ അഭിനയിക്കാന്‍ തുടങ്ങി. പിന്നീട് മുഖ്യമന്ത്രിക്കസേരയില്‍ എത്തിയപ്പോള്‍ തമിഴ് നാട്ടിലെ ആറ് സര്‍വ്വകലാശാലകളും അവര്‍ക്ക്, 'ഡോക്ടോറേറ്റ്' നല്‍കുകയുണ്ടായി!
----------------------
ശ്രീ ഉമ്മന്‍ ചാണ്ടി - (ഭാര്യ: മറിയാമ്മ ഉമ്മന്‍) പ്രായം: 68


വിദ്യാഭ്യാസയോഗ്യതകള്‍: BA, LLB

Sunday, May 15, 2011

കോണ്‍ഗ്രസ്‌ ദയനീയ പരാജയം (38 സീറ്റ് മാത്രം!)

കേരളത്തില്‍ കോണ്‍ഗ്രസ്‌ ദയനീയ പരാജയം ഏറ്റുവാങ്ങിയ പാശ്ചാത്തലത്തില്‍ ഉമ്മന്‍ ചാണ്ടിയും രമേശ്‌ ചെന്നിത്തലയും തങ്ങളുടെ കസേരകളില്‍ നിന്നും താഴേയിറങ്ങണം. ഈ മോശം പ്രകടനത്തിന് രണ്ടു പേരും ഒരുപോലെ ഉത്തരവാദികള്‍ ആണ്. രണ്ടു പേരും ഭരണത്തില്‍ നിന്ന് മാറി നിന്ന് കൊണ്ട് പാര്‍ട്ടിയെ ശക്തിപ്പെടുത്താന്‍ വേണ്ട നടപടികള്‍ സ്വാകരിക്കണം.

കേരളത്തിലെ അഭ്യന്തരവകുപ്പ്??!!

അഭ്യന്തരവകുപ്പ് ഒരു വര്‍ഗീയ പാര്‍ട്ടിക്കും കൊടുക്കരുത്. അത് കേരളത്തിന്‌ വളരെ ദോഷം ചെയ്യും.

രണ്ടു വലിയ വര്‍ഗീയ പാര്‍ട്ടികള്‍ ആണല്ലോ ഈ സര്‍ക്കാരിന്റെ പ്രധാന ശക്തി!

Thursday, March 31, 2011

രണ്ടു രൂപയ്ക്ക് അരി

രണ്ടു രൂപയ്ക്ക് അരി നല്‍കാന്‍ ഈ തിരഞ്ഞെടുപ്പ് വരെ കാത്തിരിക്കണമായിരുന്നോ? ഈ അരി സൌജന്യമായി കൊടുത്തുകൂടെ? ഇങ്ങനെ അരിവിതരണം നടത്തുമ്പോള്‍ ഖജനാവിന് നഷ്ടം എത്ര കോടി? ഖജനാവിലെ പണം ധൂര്‍ത്തടിക്കുന്ന ഈ സൌജന്യ പരിപാടി നിയന്ത്രിക്കാന്‍ ഇവിടെ ഒരു നിയമവും ഇല്ലേ?

Saturday, January 15, 2011

വനിതാ വിമോചനം 2010

വനിതാ വിമോചനം ഇങ്ങനെയോ?
കഴിഞ്ഞ വര്‍ഷത്തിന്റെ അവസാനം കണ്ട ചില ഫാഷനുകള്‍ ആണ് ഈ കത്തിനാധാരം.

കഴുത്തില്‍ ചുറ്റുന്ന ചുരിദാര്‍ ഷാള്‍ - പരമ ശിവന്‍ കഴുത്തില്‍ പാമ്പിനെ ചുറ്റിയിട്ടിരിക്കുന്നപോലെയാണ് ഇപ്പോള്‍ പല കുമാരിമാരും തങ്ങളുടെ ഷാള്‍ ധരിക്കുന്നത്. കഴിഞ്ഞ വര്ഷം തൊടുപുഴയില്‍ ഒരു പെണ്‍കുട്ടി തന്റെ ഷാള്‍ ബൈക്കിന്റെ ചക്രത്തില്‍ കുരുങ്ങി മരണപ്പെടുകപോലുമുണ്ടായി!! എങ്കിലും ഇപ്പോള്‍ ഷാള്‍ കഴുത്തില്‍ ചുറ്റിയിടുന്നതാണ് ഫാഷന്‍. ആരെങ്കിലും ആക്രമിക്കാന്‍ വന്നാല്‍ ഈ ഷാളില്‍ കയറിപിടിച്ചാല്‍ മതി അവളെ കീഴ്പെടുത്താന്‍. കഴുത്തില്‍ ഇങ്ങനെ ഷാള്‍ ചുറ്റിയിട്ടാല്‍ തങ്ങളുടെ സുന്ദരങ്ങളായ സ്തനദ്വയങ്ങളെ വിശാലമായി പ്രേക്ഷകര്‍ക്ക്‌ മുന്‍പില്‍ അഭിമാന പൂര്‍വ്വം പ്രദര്‍ശിപ്പിക്കാമെന്നതായിരിക്കും, ഇവരെ ഇതിനു പ്രേരിപ്പിക്കുന്ന ഘടകം.

അടിവസ്ത്രം പുറവസ്ത്രം ആകുമ്പോള്‍ - കുമാരിമാര്‍ ധരിക്കുന്ന സ്ലാക്സ് എന്നൊരു തരാം പാന്റ്സ് ഉണ്ട്. ചുരിദാറിന്റെ അടിഭാഗം [പാന്റ്സ്] കാണാം കുറഞ്ഞ, നേര്‍ത്ത തുണി കൊണ്ടുള്ളതാണെങ്കില്‍, പണ്ടൊക്കെ സ്ത്രീകള്‍ ഇത്തരം സ്ലാക്സ് അടിയില്‍ ഇടുമായിരുന്നു. ബനിയന്‍ തുണികൊണ്ടുള്ള ഈ സാധനം കാലിനോട് പറ്റികിടക്കും, പുറമേ അറിയത്തേ ഇല്ല. ഇപ്പൊ, ദാ.... ചില കുമാരിമാര്‍ സ്ലാക്സ് മാത്രം ധരിച്ചുകൊണ്ട് വിപ്ലവം സൃഷ്ടിക്കുന്നു. കൊള്ളാം, നല്ല ചന്തമുണ്ട്. നല്ല തൂവെള്ള സ്ലാക്സ് ഇട്ട് ഒരു പെണ്‍കുട്ടി കഴിഞ്ഞ ദിവസം ബസില്‍ കയറി. പിന്നിലെ സീറ്റില്‍ ഇരുന്ന എനിക്ക്, ആ കുട്ടിയുടെ തുടയിലെ രോമവും, ജെട്ടിയുടെ മഞ്ഞ നിറവും വരെ വളരെ സൂഷ്മമായി കാണാമായിരുന്നു!! (എന്റെ നോട്ടം ശരിയല്ല എന്ന് നിങ്ങള്ക്ക് പറയാം.) വേഷത്തില്‍ ഇത്രയും വിപ്ലവം വേണോ? ആണുങ്ങള്‍ പോലും ഇത്ര നിഴലുള്ള വസ്ത്രങ്ങള്‍ ധരിക്കുന്നില്ലല്ലോ?

Blog Archive

About Me

My photo
MY NAME IS JOSSY VARKEY {ചാത്തങ്കേരില്‍ - അതാണ് ഞങ്ങളുടെ വീട്ടുപേര്. എന്റെ അപ്പച്ചന്റെ അപ്പന്‍ ശ്രീ. പൌലോയ്ക്ക് രണ്ടു സഹോദരന്മാരാണ്. (വര്‍ക്കി,ജോണ്‍) ഈ മൂന്നുപേരും 'ചാത്തങ്കേരില്‍' എന്ന വീടുപെരിലാണ് അറിയപ്പെടുന്നത്. ഈ പേരു എങ്ങിനെ കിട്ടി എന്ന് ഞാന്‍ പലവട്ടം ആലോചിച്ചിട്ടുണ്ട്. സ്കൂളില്‍ പഠിക്കിമ്പോള്‍ 'ചാത്തന്‍' എന്ന വിളി ദുസ്സഹമായിരുന്നു. കുട്ടിച്ചാത്തന്‍, കൊച്ചു ചാത്തന്‍ എന്നൊക്കെ നാട്ടുകാരും കൂട്ടുകാരും സ്നേഹത്തോടെ വിളിച്ചിരുന്നു. അങ്ങിനെ തുടങ്ങിയതാണ്‌ ഈ പേരിന്റെ ഉത്ഭവത്തെ കുറിച്ചുള്ള അന്വേഷണം. തിരുവല്ലയ്ക്കടുത്ത് 'ചാത്തന്കേരി/ചാത്തങ്കരി' എന്ന് പേരുള്ള ഒരു സ്ഥലം ഉണ്ടെന്നറിഞ്ഞു!! ഒരു പക്ഷെ എന്റെ പൂര്‍വികര്‍ ആരെങ്കിലും അവിടെ നിന്നും കുടിയെരിയവരാകാം??} എന്റെ വ്യക്തി വിവരങ്ങള്‍ ഇവിടെയുണ്ട്: http://jossyvarkey.tripod.com/id1.html