മദ്യ മഹാവിപത്ത്

മദ്യത്തില്‍ നിന്നും മദ്യപര്‍ക്ക് കിട്ടുന്നതില്‍ കൂടുതല്‍ ലഹരി ഇപ്പോള്‍ സര്‍ക്കാരിനു മദ്യ നികുതി വരുമാനത്തില്‍ നിന്നും കിട്ടിക്കൊണ്ടിരിക്കുന്നു !!സംസ്ഥാന സര്‍ക്കാരുകള്‍ക്ക് ഇതൊരു ഒഴിവാക്കാന്‍ പറ്റാത്ത വമ്പിച്ച വരുമാനമാര്‍ഗ്ഗമാണ്. മദ്യപര്‍ ഒന്നടങ്കം നാളെ കുടി നിറുത്താന്‍ തീരുമാനമെടുത്താലും സര്‍ക്കാരിന് മദ്യം വിറ്റു കിട്ടുന്ന വരുമാനം വേണ്ട എന്നു പറയാനാവാത്ത സ്ഥിതിയാണിന്നുള്ളത്. ശമ്പളം കൊടുക്കാന്‍ പിന്നെവിടെ പോകും?  

സ്വകാര്യ ബസുകളുടെ മരണപാച്ചില്‍ അവസാനിപ്പിക്കുക

കൊച്ചിനഗരത്തിലെ ബസ്സുകളുടെ മരണപാച്ചില്‍ ഒരു കൊച്ചുകുട്ടിയുടെ ജീവന്‍ കൂടെ തട്ടിയെടുത്തു. വളരെ ഭയാനകമായ രീതിയിലാണ് പല ബസ്സുകളും കൊച്ചി നഗരത്തില്‍ സര്‍വ്വീസ് നടത്തുന്നത്. അവരുടെ മത്സര ഓട്ടത്തിനിടയില്‍ മറ്റു ചെറു വാഹനങ്ങളും കാല്‍നടയാത്രക്കാരും പ്രാണരക്ഷാര്‍ത്ഥം ഓടിരക്ഷപ്പെട്ടുകൊള്ളണം. ഒരു ചെറിയ ശതമാനം ബസ്‌ ഡ്രൈവര്‍മാര്‍ മദ്യമോ മയക്കുമരുന്നോ ഉപയോഗിച്ചുകൊണ്ടാണ് കൊച്ചിയില്‍ ബസ്സ്‌ ഓടിക്കുന്നതെന്ന് ട്രാഫിക് പോലീസിനും നല്ലതുപോലെ അറിയാം. നാക്കിനടിയില്‍ മയക്കുമരുന്ന് തിരുകിവച്ച്  ആ ലഹരിയില്‍ അമിതവേഗത്തില്‍ അശ്രദ്ധമായി വാഹനം ഓടിച്ച് അപകടം വരുത്തിയാലും പോലീസ് നോക്കുകുത്തിയായി നില്‍ക്കുന്നത് അപകടങ്ങള്‍ തുടര്‍ക്കഥയാവാന്‍ കാരണമാകുന്നു. കൊച്ചിയില്‍ പാലാരിവട്ടം, വൈറ്റില, തൃപ്പൂണിത്തുറ എസ് .എന്‍ .ജങ്ക്ഷന്‍ എന്നീ സിഗ്നലുകളില്‍ ബസുകളുടെ മരണപാച്ചില്‍ നിത്യ കാഴ്ചയാണ്. ഇത് കണ്ടുകൊണ്ട്‌ പോലീസുകാര്‍ അടുത്തുതന്നെ, നിഷ്ക്രിയരായി നില്‍കുന്നത് കാണാം. കൂടാതെ ഈ സിഗ്നലുകളില്‍ ട്രാഫിക് പോലീസിന്‍റെ വക നിരീക്ഷണ ക്യാമറയും   സ്ഥാപിച്ചിട്ടുണ്ടെന്ന് പറയുന്നു! എങ്കിലും സ്വകാര്യ ബസ്സുകളുടെ ഈ തെരുക്കൂത്തിനു എതിരെ ഒരു ചെറുവിരലനക്കാന്‍ പോലും കൊച്ചി സിറ്റി പോലീസിന് കഴിയുന്നില്ല എന്നത് പരിതാപകരമാണ്. ബസ്‌ -ടിപ്പര്‍ മുതലായ വലിയ വാഹനങ്ങള്‍ പൊതുനിരത്തില്‍ നടത്തുന്ന ഈ വിളയാട്ടം നിയന്ത്രിക്കാന്‍ പോലീസ് കാര്യക്ഷമമായി ഇടപെടണം. ഇനിയും കൊച്ചിയുടെ നിരത്തുകളില്‍ ഇതുപോലെ കുരുന്നുകളുടെ ജീവന്‍ പോലിയതിരിക്കട്ടെ!!   

കൊച്ചി മെട്രോ നടക്കുമോ? ഓടുമോ?

ഞാന്‍ ഡല്‍ഹി മെട്രോയില്‍ യാത്ര ചെയ്തിട്ടുണ്ട്. സിങ്കപ്പൂര്‍, മലേഷ്യ എന്നിവിടങ്ങളിലെ ബുള്ളെറ്റ് ട്രെയിന്‍ സര്‍വ്വീസിനെക്കുറിച്ച് കേട്ടിട്ടുണ്ട്. കൊച്ചി മെട്രോ വരും വരും എന്ന് പറയുന്നു, എന്നാല്‍ ഇത് നടക്കില്ല എന്ന് തന്നെയാണ് എന്റെ പൂര്‍ണ വിശ്വാസം. കേരളത്തിന്റെ പ്രകൃതിക്കും, കാലാവസ്ഥയ്ക്കും ആളുകളുടെ മനോഭാവത്തിനും ഈ കൊച്ചി മെട്രോ ചേരുന്നതല്ല. അധികവും മഴക്കലമാണല്ലോ, കേരളത്തില്‍ അപ്പോള്‍ ഈ ട്രെയിനില്‍ കയറി യാത്ര ചെയ്യാന്‍ ഒന്നും മലയാളി തുനിയില്ല. ആട്ടോയും കാറും ബൈക്കും മാറ്റി വച്ച് കുറച്ചു ദൂരം യാത്ര ചെയ്യാന്‍ നമ്മുടെ മലയാളി തുനിയില്ല! അതുകൊണ്ട് തന്നെ ഇത് വന്നാലും ഒരു പരാജയം ആയിരിക്കും. ചെന്നൈ, ഡല്‍ഹി, മുംബൈ നഗരങ്ങളില്‍ ഉള്ളപോലെ ദിനവും വലിയൊരു ജനസംഖ്യ പൊതുയാത്ര സംവിധാനങ്ങളെ ഉപയോഗിക്കുന്നില്ല. ഉദാഹരണത്തിന് ഇവിടെ വോള്‍വോ എ.സി ബസ്സ് ഓടിതുടങ്ങിയിട്ടു ആറുമാസത്തിനു മേലെയായി, ഇപ്പോഴും അത് പരാജയം ആണ്. മറ്റു മെട്രോകളിലെ പോലെ  ജനസാന്ദ്രത ഒരു പ്രദേശത്ത് മാത്രം തിങ്ങി നിറഞ്ഞു നില്‍ക്കുകയല്ല കേരളത്തില്‍. കേരളം മൊത്തത്തില്‍ ഒരു മെട്രോ ആണ്. ഇവിടെ നഗരവും ഗ്രാമവും തമ്മില്‍ വേര്‍തിരിക്കാന്‍ പ്രയാസം ആണ്. ഉദാ: ചെന്നൈ നഗരത്തില്‍ നിന്നും 25-30 കി.മി. പുറത്തേക്കു സഞ്ചരിച്ചാല്‍ തുറസായ ഭൂമി കാണാം. എന്നാല്‍ കൊച്ചിയില്‍ ഇത് പോലെ പുറത്തേക്കു പോയാല്‍ പിറവം, കൂത്താട്ടുകുളം, പാലാ അല്ലെങ്കില്‍ ആലുവ, അങ്കമാലി, പെരുമ്പാവൂര്‍, കിഴക്കമ്പലം തുടങ്ങിയ പ്രദേശങ്ങളില്‍ ജനങ്ങള്‍ തിങ്ങി പാര്‍ക്കുന്നു.

ഇനി ഇതിലെ അഴിമതിയെക്കുറിച്ച് അല്പം. ഇന്ത്യയില്‍ മെട്രോ നിര്‍മ്മിക്കാന്‍ ഈ ഒരു ശ്രീധരന്‍ മാത്രമേ ഉള്ളൂ എന്ന ധാരണ തെറ്റാണ്. വേറെയും ശ്രീധരന്മാര്‍ ഉണ്ടാവാം, അല്ലെങ്കില്‍ ഉണ്ടാവണം. ജപ്പാനിലും സിംഗപൂരും ഡി.എം.ആര്‍.സി -യേക്കാള്‍ പ്രഗല്‍ഭ കമ്പനികള്‍ ഉണ്ടാവാം, ഉണ്ട്. ശ്രീധരനും ഡല്‍ഹി മെട്രോയും ഇല്ലെങ്കില്‍ ഇവിടെ പ്രളയം എന്ന് ധരിക്കുന്നത് തെറ്റല്ലേ? പിന്നെ ഭരിക്കുന്ന പാര്‍ട്ടി ഇതില്‍ കയ്യിട്ടുവാരാന്‍ ശ്രമിക്കുന്നു എന്ന ആരോപണത്തില്‍ എന്തെങ്കിലും കഴമ്പുണ്ടോ? എല്ലാ രാഷ്ട്രീയ പാര്‍ട്ടിക്കും പണം വേണ്ടേ? പാര്‍ട്ടി നന്നാക്കാനും നേതാക്കന്മാരുടെ വീട് നന്നാക്കാനും! അല്ലാതെ ജനങ്ങളുടെ നന്മ മാത്രം ലക്ഷ്യമിട്ട് ഭരിക്കുന്ന/ ഭരിക്കാന്‍ താല്പര്യമുള്ള ഒരു രാഷ്ട്രീയ പാര്‍ടിയെ കാണിച്ചു തരൂ. ഞാന്‍ എന്റെ തല മൊട്ടയടിക്കാം!! വലതായാലും  ഇടതായാലും കാവി ആയാലും അഴിമതി അവരുടെ കൂടെയില്ലേ? ഇതൊരു പദ്ധതിയും പ്രഖ്യാപിക്കുമ്പോള്‍ അതില്‍ നിന്നും തങ്ങള്‍ക്കു എന്ത് കിട്ടും എന്നല്ലേ എല്ലാവരുടെയും ചിന്ത? പണ്ട് രാജീവ്‌ ഗാന്ധി പ്രഥാനമന്ത്രി ആയിരുന്നപ്പോള്‍ അദ്ദേഹം തന്നെ പറഞ്ഞിട്ടുണ്ട് 100 രൂപ വികസനത്തിന്‌ വേണ്ടി നീക്കി വയ്ക്കുമ്പോള്‍ ജനങ്ങളില്‍ എത്തുന്നത്‌ 17 രൂപ മാത്രമാണെന്ന്. അതില്‍ പദ്ധതി ചെലവും, കാലതാമസത്തിന്റെ നഷ്ടവും ഉദ്യോഗസ്ഥരുടെ കിഴിവും രാഷ്ട്രീയക്കാരന്റെ കഴിവും ഒക്കെ കൂടും. 

അപ്പോള്‍ പിന്നെ 5500 കോടി രൂപ വകയിരുത്തിയ കൊച്ചി മെട്രോ പണിയുമ്പോള്‍ ഭരിക്കുന്നവര്‍ക്കും കിട്ടണ്ടേ ചായക്കാശ്?? ഈ ഭരണത്തില്‍ പണി തീര്‍ന്നാല്‍ വലതന്മാര്‍ മാത്രം അനുഭവിക്കും. പണി നീട്ടി കൊണ്ടോയാല്‍ ചിലപ്പോള്‍ ഇടതനും കിട്ടും ഗുണം. നല്ല അഴിമതിക്കാരാണ് നല്ല വികസന നായകന്മാര്‍ എന്ന് എവിടെയോ വായിച്ചതോര്‍ക്കുന്നു. ഉദാ: കെ.കരുണാകരന്‍  അന്തോണിയും അച്ചുമാമയും മാത്രം ഭരിച്ചിരുന്നെങ്കില്‍ ഈ നെടുമ്പാശ്ശേരിയും കലൂര്‍ സ്റ്റേഡിയവും ഗോശ്രീ പാലങ്ങളും ഉണ്ടാകുമായിരുന്നോ?

ഇന്ത്യയില്‍ രാജ്യ രക്ഷയ്ക്കെന്ന വ്യാജേന നാം വാങ്ങി കൂട്ടുന്ന ആയുധങ്ങള്‍, പടക്കോപ്പുകള്‍ തുടങ്ങിയവയ്ക്ക് എത്ര ആയിരം കോടി രൂപയാണ് ചെലവാക്കുന്നത്? അന്തോണി പുണ്യാളന്‍ നടത്തുന്ന ഈ ഇടപാടുകളില്‍ അഴിമതി അല്ലാതെ മറ്റെന്താണുള്ളത്? (ആരു മന്ത്രിയായാലും രക്ഷയില്ല!!). പാകിസ്ഥാന്‍ ആക്രമണം, ചൈന പ്രതിരോധം എന്നൊക്കെ പറഞ്ഞു പേടിപ്പിച്ചു നാം വാങ്ങി കൂട്ടുന്നത്‌ ലക്ഷം കോടി രൂപയുടെ പഴയ യുദ്ധസാമഗ്രികള്‍ ആണ്. ഇനിയിപ്പോള്‍ ഭരണം മാറി കവിയോ, ഇടതോ വന്നെന്നു വിചാരിക്കുക, അപ്പോള്‍ ഇതിനു മാറ്റം ഉണ്ടാവുമോ? അവരും ഈ ചക്കരകുടത്തില്‍ കയ്യിടും, നക്കും. തീവ്രവാദവും യുദ്ധഭീഷണിയും  പറഞ്ഞു ഈ വാങ്ങിക്കൂട്ടുന്നതൊക്കെ രാജ്യസ്നേഹം കൊണ്ടല്ല, മറിച്ചു കമ്മീഷന്‍ മോഹിച്ചു തന്നെയല്ലേ?

കൊച്ചി മെട്രോയില്‍ നിന്നും ശ്രീധരനെ ഒഴിവാക്കാന്‍ നീക്കം, ഡി.എം.ആര്‍.സി യെ ഒഴിവാക്കുന്നത് കമ്മീഷന്‍ പറ്റാന്‍ വേണ്ടിയാണ് എന്നൊക്കെ പറഞ്ഞുള്ള കോലാഹലം തുടങ്ങിയിട്ട് ഒരാഴ്ചയായി. ഇതൊക്കെ കേട്ടപ്പോള്‍ കുറച്ചു കാര്യങ്ങള്‍ ചിന്തിച്ചു പോയി. വികസനത്തിന്റെ ഭാഗമാണ് കമ്മീഷന്‍//// അഴിമതി.  പിന്നെതിനാണ് സാറന്മാരെ ഈ പുറാട്ട്‌ നാടകങ്ങള്‍!!?? 

2ജി /3ജി കുംബകോണങ്ങള്‍ പോലെ കുറച്ചു വര്‍ഷം കഴിയുമ്പോള്‍ പുറത്തു വരും ചെന്നൈ, ബംഗ്ലൂര്‍, കൊച്ചി കുംബകോണകഥകള്‍!.

എമെര്‍ജിംഗ് കേരള

ഏതൊരു വികസന പദ്ധതിയുടെയും അന്തിമ ലക്‌ഷ്യം കയ്യിട്ടു വാരലും കാക്കലും ആണ്. ഇതറിയാത്തവരല്ല  വി.എസ്സും പിണറായിയും. പിന്നെ കുറച്ചു കോലാഹലം ഒക്കെ ഉണ്ടാക്കിയില്ലെങ്കില്‍ അണികള്‍ എന്ത് പറയും?

സിനിമയില്‍ പുതുമുഖങ്ങളെ ധാരാളം അവതരിപ്പിച്ച ഒരു പ്രമുഖ മലയാള സംവിധായകന്‍, സ്വന്തം മകളെ പുതുമുഖമായി അവതരിപ്പിക്കുകയാണെങ്കില്‍  പോലും ഒന്ന് രുചി നോക്കും എന്ന് പറഞ്ഞു കേട്ടിട്ടുണ്ട്. അതുപോലെ ഒരു രാഷ്ട്രീയക്കാരന്‍ വികസന പദ്ധതിയുമായി വന്നാല്‍ അയാള്‍ സ്വന്തം രാജ്യത്തെ ഒറ്റിക്കൊടുത്തിട്ടാണെങ്കിലും സ്വന്തം കീശ വീര്‍പ്പിക്കും, സംശയം ഇല്ല. 3 ജി, കല്‍ക്കരി ലേലം, മെട്രോ റെയില്‍ ഇവയെല്ലാം വന്‍ അഴിമതിയുടെ മൂര്‍ത്ത രൂപങ്ങള്‍ തന്നെയാണ്. കേരളത്തില്‍ ഇന്നത്തെ ലാഭകരമായ ബിസിനസ്‌ 'റിയല്‍ എസ്റ്റേറ്റ്‌' തന്നെ. അത്  ഏതു പക്സ്ഥാനി വന്നാലും ഭൂമി കച്ചവടം നടത്തി ഞൊടിയിട കൊണ്ട് കോടികള്‍ സമ്പാദിക്കാന്‍ രാഷ്ട്രീയക്കാര്‍ മാത്രമല്ല, ഏതൊരു സാധാരണ മലയാളിയും ആഗ്രഹിക്കുന്നു. 

കൊച്ചി ഫാഷന്‍ വീക്ക് 2012

"കൊച്ചി ഫാഷന്‍ വീക്കിന് പോന്നപ്പോള്‍ ഡ്രസ്സ്‌ എടുക്കാന്‍ മറന്നു. പിന്നെ ഒരു തൂവാല മടക്കി കെട്ടി ബ്രാ ആക്കി. കൊതുകുവല കൊണ്ട് നല്ലൊരു സാരിയും ആക്കി. എങ്ങിനുണ്ട്?"

കൊച്ചേ, നീ എന്റെ മുന്‍പില്‍ പെടാത്തത് എന്റെ ഭാഗ്യം. ഇല്ലേല്‍, നാളത്തെ പത്രത്തില്‍ 'യുവതിയെ കയറിപിടിക്കാന്‍ ശ്രമം, മദ്ധ്യവയസ്കന്‍ അറസ്റ്റില്‍' എന്ന വാര്‍ത്തയോടെ എന്റെ പടം അച്ചടിച്ച്‌ വന്നേനെ!!

വോള്‍വോ എ.സീ.ബസ്സുകള്‍ ലഭാത്തിലാക്കാം

കേരളത്തിലെ നഗരങ്ങളില്‍ 10-ഓ 15-ഓ മിനിറ്റ് യാത്രയ്ക്ക് എ. സീ. ബസ്സില്‍ കയറാന്‍ ആരും താല്പര്യപ്പെടുന്നില്ല. കാരണം ചാര്‍ജ് കൂടുതല്‍ തന്നെ. മറിച്ചു ഈ ബസ്സുകള്‍ ടൌണ്‍----=റ്റു-ടൌണ്‍ ആയി ഓടിയാല്‍ അത് ജനങ്ങള്‍ക്ക്‌ ഉപകാരപ്പെടും. കൂടുതല്‍ ആളുകള്‍ എ. സീ. ബസ്സുകളില്‍ കയറാന്‍ തല്പര്യപ്പെടും. മൂന്നോ നാലോ മണിക്കൂര്‍ വേണ്ടുന്ന യാത്രകള്‍ക്ക് ഈ ബസ്സുകള്‍ പ്രയോജനപ്പെടുത്തുക. തിരുവനന്തപുരം - കൊച്ചി - കോഴിക്കോട് നഗരങ്ങളെ തമ്മില്‍ ബന്ധിപ്പിച്ചു ഈ ബസ്സുകള്‍ ഓടിച്ചാല്‍ അത് വളരെ പ്രയോജനപ്പെടും, തീര്‍ച്ച!! തൃശൂര്‍ - എറണാകുളം, എറണാകുളം - കോട്ടയം മുതലായ റൂട്ടുകളിലും  ഈ എ.സീ. ബസ്സുകള്‍ ഓടിച്ചാല്‍ ആള് കൂടുതല്‍ കയറും.  

------

ജോസി വര്‍ക്കി ചാത്തങ്കേരില്‍ 

സ്വയം മോറല്‍ പോലീസിംഗ് നല്ലത്

പൊതുവേദികളില്‍ ഇന്ന് അഭാസകരമായുള്ള വസ്ത്രധാരണം കൂടിവരുന്നു. ഇതിനെതിരെ നിയമനിര്‍മ്മാണമോ പോലീസ് നടപടിയോ ഉചിതമല്ല. ബ്രായുടെ സ്ട്രിപ് വെളിയില്‍ കാണുന്നതിനും കൊതുകുവല പോലെ സുതാര്യമായ വസ്ത്രം ധരിക്കുന്നതിനും അമ്പത് പൈസ കവറില്‍ ഇറച്ചി തൂക്കിയ പോലെ ഇറുകിയ കട്ടികുറഞ്ഞ വസ്ത്രം ധരിക്കുന്നതും പോലീസിനെ കൊണ്ട് തടഞ്ഞു നടപടിയെടുക്കാന്‍ ആവില്ലല്ലോ. അത് ശരിയും അല്ല. അതുകൊണ്ട് ഇതിനു പോംവഴി 'സ്വയം മോറല്‍ പോലീസിംഗ്' ആണെന്ന് തോന്നുന്നു. സ്ത്രീകള്‍ പ്രത്യേകിച്ചും കോളജ് കുമാരിമാര്‍ സ്വയം കണ്ണാടി മുന്നില്‍ നിന്ന് ഒന്ന് ചോദിക്കുക - എന്റെ വസ്ത്രധാരണ ശൈലി അഭാസകരമാണോ? ശരീരത്തിലെ നിമ്നോന്നതികള്‍ വെളിവാക്കും വിധം, വയറും കക്ഷവും കഴുത്തും വിശാലമായി പൊതു നിരത്തില്‍ പ്രദര്‍ശിപ്പിക്കുന്നതിനു മുന്‍പ് അല്പം ആലോചിക്കുക. വസ്ത്രങ്ങല്‍ക്കടിയിലെ അടിവസ്ത്രങ്ങള്‍ തെളിഞ്ഞു കാണാമോ എന്ന് ആരോടെങ്കിലും, സ്വന്തം വീട്ടുകാരോടോ കൂട്ടുകാരോടോ ചോദിക്കുക. പിന്നെ കക്ഷം,വയര്‍ എന്നീ ശരീര ഭാഗങ്ങള്‍ പൊതുവേദികളില്‍ പ്രദര്‍ശിപ്പിക്കുന്നത് അശ്ലീലമാണെന്ന്   സ്വയം മനസിലാക്കുക. ഇതാണ് 'സ്വയം മോറല്‍ പോലീസിംഗ്'!!

എന്താ മാഷേ, ട്രൈ ചെയ്യുന്നോ?

http://www.vstarcreations.in/add_vanessa.html

അടുത്ത ദിവസം ടെലെവിഷനില്‍ കണ്ട ഒരു പരസ്യം.

ക്ലാസ്സെടുത്തുകൊണ്ടിരിക്കുന്ന ഒരു അധ്യാപകന്‍ കുട്ടികളോട്:

ഈ 'വെനീസ്സ' യുടെ മീനിംഗ് എന്താണ്?

ഒന്നാമത്തെ പെണ്‍കുട്ടി: സൂപ്പെര്‍ കംഫര്‍ട്ട് 

രണ്ടാമത്തെ പെണ്‍കുട്ടി: പെര്‍ഫെക്റ്റ്‌ ഫിറ്റ്‌ 

മൂന്നാമത്തെ പെണ്‍കുട്ടി: പെര്‍ഫെക്റ്റ്‌ ഷേപ്പ് 

അപ്പോള്‍ ഒരു ആണ്‍കുട്ടി:

'ഈ വെനീസ്സ എന്നാല്‍ ബട്ടര്‍ഫ്ലൈ അല്ലേ?'

നാലാമത്തെ പെണ്‍കുട്ടി: യെസ്സ്,,, എന്താ മാഷേ ട്രൈ ചെയ്യുന്നോ?  

ഈ പരസ്യം, അശ്ലീലമായി തോന്നി!!

മുല്ലപെരിയാര്‍

മുല്ലപെരിയാര്‍ ഡാം സുരക്ഷിതമെന്ന് ഉന്നതസമിതി റിപ്പോര്‍ട്ട്‌!!
മലയാളികളുടെ മനസ്സില്‍ അനാവശ്യ ഭയം ഊതിപ്പെരുപ്പിച്ച മന്ത്രിയെ നാം എന്ത് ചെയ്യണം? ഫേസ്ബുക്ക്‌ അടക്കമുള്ള മാധ്യമങ്ങളും മത്സരിച്ചാണ് 'ലോകാവസാനം അടുത്തെത്തി' എന്നപോലെ ഇല്ലാകഥ പ്രചരിപ്പിച്ചത്. ഏറ്റവും വളിപ്പായി തോന്നിയത് കേരള സര്‍ക്കാര്‍ ഇറക്കിയ ടെലിവിഷന്‍ പരസ്യം ആയിരുന്നു. 'തമിഴ് നാടിനു തണ്ണി; കേരളത്തിന്‌ സുരക്ഷ' എന്നാ പേരില്‍ ഈ നൂറ്റാണ്ടിലെ ഏറ്റവും ബോറന്‍ പരസ്യം ഇറക്കിയ കേരള പൊതുമരാമത്ത് വകുപ്പ് അവാര്‍ഡിനര്‍ഹാരാണ്.

ഭക്തി വ്യാപാരം

'ആറ്റുകാല്‍ പൊങ്കാല' വിശ്വ പ്രസിദ്ധമാണ്. അവിടെ പൊങ്കാലയിടുന്ന സ്ത്രീകളുടെ എണ്ണം സര്‍വ്വകാല റെക്കോര്‍ഡ്‌ ആണ് ഗിന്നുസ് ബുക്കില്‍ രേഖപ്പെടുത്തിയിരിക്കുന്നത്. 'ആറ്റുകാല്‍ പൊങ്കാല'യുടെ പ്രശസ്തിയും പണക്കൊഴുപ്പും കണ്ടിട്ടാകണം തിരുവനന്തപുരത്തിപ്പോള്‍ 50-ഇല്‍ അധികം സ്ഥലങ്ങളില്‍ പൊങ്കാല നടക്കുന്നു. (നടത്തുന്നു!)
ദാ... ഇപ്പോ നോക്കുമ്പോള്‍ എറണാകുളത്ത് കലൂര്‍ പാവക്കുളം അമ്പലത്തിലും പൊങ്കാല ഉത്സവം (വ്യാപാരം?) May 6th.

ഇതിങ്ങനെ പോയാല്‍ കേരളത്തിലെ എല്ലാ പഞ്ചായത്തിലും ഒരഞ്ചുവര്ഷം കൊണ്ട് വ്യപിക്കാനിടയുണ്ട്. ചിലപ്പോള്‍ ശബരിമല മകര ജ്യോതിയും കേരളത്തിലെ എല്ലാ ജില്ലകളിലും ആകും!! (പണം തന്നെ പ്രധാനം, അല്ലേ?)

വീണ്ടും ഒരു ഉപതിരഞ്ഞെടുപ്പ്???

ഒരു സിറ്റിംഗ് എം.എല്‍.എ ഒരു വര്‍ഷം തികയുന്നതിനു  മുന്‍പ് സ്വയം രാജിവച്ച് പുറത്തു വന്നാല്‍ അയാളെ വീണ്ടും മത്സരിക്കാന്‍ അനുവദിക്കരുത്. ഒരു ഇടക്കാല തിരഞ്ഞെടുപ്പ് അനാവശ്യമായി സൃഷ്ടിച്ച് കോടികളുടെ നഷ്ടം രാഷ്ട്രത്തിനും സര്‍ക്കാരിനും വരുത്തി വച്ച് വീണ്ടും മത്സരിക്കാന്‍ ഇറങ്ങി പുറപ്പെടുന്ന ഇദ്ദേഹത്തെ തോളിലേറ്റുന്ന കോണ്‍ഗ്രസ്‌ ഇത്ര അധപതിക്കരുതായിരുന്നു! തിരഞ്ഞെടുപ്പ് കമ്മീഷന്‍ ഇടപെട്ടു ഇനിയും ഇത്തരം പോക്രിത്തരം ആവര്‍ത്തിക്കാതിരിക്കാന്‍ ശ്രമിക്കണം.

Heights of 'അസംബന്ധം'സ്

സുന്ദരിമാരായ (അല്ലാത്തവരും) യുവതികള്‍ അണിഞ്ഞൊരുങ്ങി വഴിയില്‍കൂടി നടക്കുമ്പോള്‍ അത് നോക്കി ആസ്വദിക്കുന്നവന്‍ 'ആഭാസന്‍'??!! 'ഛെ,, കണ്ടില്ലേ അവന്റെ വൃത്തികെട്ട നോട്ടം?' എന്ന് മാന്യമഹതികള്‍ ചോദിക്കും. (കേരളത്തില്‍)


 'പുലയന്‍' ഒരു വലിയ ജാതിവിഭാഗമാണ്, അവര്‍ക്ക് ജോലിക്കും പഠിക്കാനും സംവരണം ഉണ്ട്. ജാതി പറഞ്ഞാല്‍ സംവരണം കിട്ടും, ജാതി സമ്മേളനം നടത്താം. എന്നാല്‍ ഒരു പുലയനെ 'പുലയന്‍' എന്ന് വിളിച്ചാല്‍ കേരളത്തില്‍ പോലീസ് കേസെടുത്തു അകത്താക്കും!

 മുസ്ലിം ലീഗ് ഒരു മതേതര പാര്‍ട്ടിയാണ്!! അവരെ വര്‍ഗീയ പാര്‍ട്ടി എന്ന് ആരും പറയരുത്. കേരളം ഇപ്പോള്‍ ഭരിക്കുന്ന മതേതര-ജനാധിപത്യ മുന്നണിയായ യു.ഡി .എഫ് നിലനിര്‍ത്തുന്നത് 'മുസ്ലിം ലീഗ്, കേരള കോണ്‍ഗ്രസ്‌ (എം./ബി./ജെ./ജേ.) തുടങ്ങിയ 'ശുദ്ധ' മതേതര-ജനാധിപത്യ കക്ഷികള്‍ ചേര്‍ന്നാണ്!!

ഇതിനാണോ സാര്‍, വൈരുദ്ധ്യാത്മക (എന്തോ) വാദം എന്ന് പറയുന്നേ?

പിറവത്തെ വിജയം

എം.ജെ കരുത്തനായ നേതാവാണ്‌. അതുകൊണ്ടാണല്ലോ കന്നിയങ്കത്തില്‍ ടി. എം. ജേക്കബ്‌ എന്ന മികവുറ്റ സാമാജികനെ തോല്പിക്കാനായത്. പിറവം മണ്ഡലത്തില്‍ അദ്ദേഹത്തിന് നല്ല സ്വാധീനം ഉണ്ട്. എന്നാല്‍ ബേബിയുടെ അധികപ്രസംഗങ്ങള്‍, ശര്‍മയുടെ സെമിനാരി സന്ദര്‍ശനം, വി.എസ്സിന്റെ വിടുവായിത്തം, സെല്‍വരാജിന്റെ പണികൊടുക്കല്‍, നായര്‍, ഈഴവ സഭകളുടെ എതിര്‍ നിലപാടുകള്‍, ടി.എമ്മിനോട് പിറവത്തെ ജനങ്ങള്‍ക്കുള്ള സ്നേഹം തുടങ്ങിയവ അനൂപിനെ വന്‍ ഭൂരിപക്ഷത്തോടെ വിജയിപ്പിച്ചു. കാര്യങ്ങള്‍ മനസ്സിരുത്തി പഠിച്ചാല്‍, അതിനനുസരിച്ച് പ്രവര്‍ത്തിച്ചാല്‍ അനൂപിനും ടി.എമ്മിനെ പോലെ ജനമനസ്സില്‍ ഇടം നേടാം. നല്ല അധ്വാനം വേണ്ടിവരും, നിയമസഭയില്‍ തിളങ്ങണമെങ്കില്‍. മന്ത്രി കുപ്പായം അണിയുകയാണെങ്കില്‍ കേരളത്തിലെ ജനങ്ങളുടെ പ്രതീക്ഷയ്കൊത്തു ഉയരാന്‍ നന്നായി യത്നിക്കണം. അനൂപിന് എല്ലാവിധ ആശംസകളും നേരുന്നു.

മലയാളിയുടെ വായിനോട്ടം

മലയാളിയുടെ വായിനോട്ടം - ലോകത്തിലേക്കും വലിയ വായിനോക്കികള്‍ മലയാളികളാണെന്നു പലരും പറയുന്നത് കേട്ടിട്ടുണ്ട്. കണ്ണുകള്‍ കൊന്ണ്ടു ബലാല്‍സംഗം ചെയ്യുമെന്നും മലയാളി പുരുഷന്മാര്‍ വൃത്തികെട്ടവന്മാര്‍ /വഷളന്മാര്‍ ആണെന്നും ഒക്കെ. പക്ഷെ എന്റെ സംശയം, ഒരു മനുഷ്യന്‍ മറ്റൊരു മനുഷ്യനെ നോക്കുന്നത് തെറ്റാണോ? നോക്കാതിരിക്കുന്നതല്ലേ തെറ്റ്. (അവഗണിക്കുന്നത്.) മാന്യമായ വസ്ത്രം ധരിച്ചിട്ടുണ്ടെങ്കില്‍ സ്ത്രീകള്‍ ഈ നോട്ടത്തെ വെറുക്കുന്നതെന്തിനു?

പുരുഷന്‍ നോക്കുന്നത് എവിടെയ്ക്കുമാകട്ടെ, ദൈവത്തിന്റെ സൃഷ്ടിയായ ഒരു സഹജീവിയെ നോക്കാനും കാണാനും ഉള്ള സ്വാതന്ത്ര്യം അവനു അനുവദിച്ചു കൊടുത്തു കൂടെ? പുരുഷന്മാര്‍ ഇത്തരം ഒരു പരാതിയും ആയി വരുന്നതിനെക്കുറിച്ച് ആലോചിച്ചു നോക്കൂ. സ്ത്രീകള്‍ ഞങ്ങളെ തുറിച്ചു നോക്കുന്നു, വഴി നടക്കാന്‍ സമ്മതിക്കുന്നില്ല, വൃത്തികെട്ട നോട്ടം, എന്നൊക്കെ പുരുഷന്മാര്‍ പരാതിപെട്ടാല്‍??!!

സ്ത്രീകള്‍ സ്വയം തങ്ങള്‍ സുന്ദരികള്‍ ആണ്, ലൈംഗീകൊപകരണങ്ങള്‍ മാത്രമാണ്, ശരീരം ഒരു വസ്തുവാണ് .. എന്നൊക്കെ ചിന്തിക്കുന്നതുകൊണ്ടാണ്‌ ഇത്തരം അഭിപ്രായങ്ങള്‍ ഉണ്ടാവുന്നത്. നോക്കുന്നവര്‍ നോക്കട്ടെ, നോട്ടം കൊണ്ട് എന്നെ ഒന്നും ചെയ്യാന്‍ സാധിക്കില്ല എന്ന് തിരിച്ചറിഞ്ഞവര്‍ നടന്നു പോകുന്നത് ശ്രദ്ധിച്ചിട്ടില്ലേ, തലയുയര്‍ത്തി അഭിമാനപൂര്‍വ്വം .... അവര്‍ക്ക് എന്റെ വന്ദനം.