എറണാകുളം എം.എൽ.എ ശ്രീ.ഹൈബി ഈഡൻ മുട്ടോളം വെള്ളത്തിൽ നിൽക്കുന്ന കാഴ്ച്ച പത്രത്തിൽ കണ്ടത് വളരെ ഇഷ്ടപ്പെട്ടു. മെട്രോയുടെ ഹൈ സ്പീഡിൽ കുതിക്കുന്ന എറണാകുളത്തെ മഴവെള്ളക്കെട്ട് വർഷങ്ങളായി യാതൊരു പരിഹാരവുമില്ലാതെ കിടക്കുന്നു. എല്ലാവർഷവും കാലവർഷം തുടങ്ങുമ്പോൾ തന്നെ കൊച്ചി നഗരത്തിലെ പ്രധാന റോഡുകൾ വെള്ളത്തിൽ മുങ്ങുന്നു. എറണാകുളം സൗത്ത് റെയിൽ വേ സ്റ്റേഷനിൽ നിന്നും കെ.എസ്.ആർ.ടി.സി ബസ് സ്റ്റാന്റിൽ നിന്നും പുറത്തുകടക്കാനാവാത്തവിധം വെള്ളം കെട്ടിക്കിടക്കുന്നത് ദൂരെ നിന്നും വരുന്ന യാത്രക്കാർക്ക് പോലും വളരെ ബുദ്ധിമുട്ടുണ്ടാക്കുന്നു.
രാഷ്ട്രീയക്കാർക്ക് മുണ്ടു മടക്കിക്കുത്തി 'ആസനത്തിൽ ആലു മുളച്ചാൽ അതും ഒരു തണല്' എന്നപോലെ വെള്ളത്തിന് നടുവിൽ നിന്ന് ഫോട്ടോയ്ക്ക് പോസ് ചെയ്യാം. പക്ഷെ ഓരോ ഓഫീസിലും പോകുന്ന, ഓഫീസ് ഡ്രസ്സ് കോഡിന്റെ ഭാഗമായി പാന്റ്സും ഷൂസും ധരിക്കുന്ന സ്ഥിരം യാത്രക്കാർ ഈ മുട്ടോളം വെള്ളത്തിൽ എന്തുചെയ്യാൻ? ഓടയിലും കാനയിലും നിന്ന് മനുഷ്യമലം അടക്കമുള്ള മാലിന്യവും അഴുക്കും ഈ മഴക്കാലത്ത് റോഡിലേക്ക് ഒഴുകി വൃത്തികേടാകുകയും ജനങ്ങൾ ഈ അഴുക്കുചാൽ നീന്തി നടക്കാൻ നിർബന്ധിതരാവുകയും ചെയ്യുമ്പോൾ കൊച്ചി മെട്രോ എങ്ങിനെ സ്മാർട്ട് സിറ്റിയാകും? കൊച്ചിയുടെ കനാലുകളും കാനകളും അടച്ചുകെട്ടുകയും മാലിന്യ നിക്ഷേപകേന്ദ്രമാക്കുകയും ചെയ്യുന്ന വാണിജ്യ -വ്യവസായ സ്ഥാപനങ്ങൾ നിർബാധം ഇത് തുടരുന്നത് അധികൃതരുടെ അനാസ്ഥമൂലമാണ്.
വൻകിട ആശുപത്രികളുടെ യടക്കം മാലിന്യക്കുഴലുകൾ നീളുന്നത് കൊച്ചിയുടെ സിരകളായ ഈ കനലുകളിലേക്കാണ് എന്നുള്ളത് വളരെ ദുഖകരമായ സത്യമാണ്. ഇനിയും ഇത് തുടർന്നുപോയാൽ കൊച്ചി പകർച്ചവ്യാധികളുടെ തലസ്ഥാനമായി മാറും. ആരോഗ്യവകുപ്പും നഗരസഭയും പൊതുമരാമത്തുവകുപ്പും കാര്യക്ഷമമായി പ്രവർത്തിക്കാൻ, അനധികൃത കയ്യേറ്റങ്ങൾക്കെതിരെ നടപടിയെടുക്കാൻ ജനപ്രതിനിധികൾ ആത്മാർഥമായി ഇത്തരം പ്രശ്നങ്ങളിൽ ഇടപെടണം.
രാഷ്ട്രീയക്കാർക്ക് മുണ്ടു മടക്കിക്കുത്തി 'ആസനത്തിൽ ആലു മുളച്ചാൽ അതും ഒരു തണല്' എന്നപോലെ വെള്ളത്തിന് നടുവിൽ നിന്ന് ഫോട്ടോയ്ക്ക് പോസ് ചെയ്യാം. പക്ഷെ ഓരോ ഓഫീസിലും പോകുന്ന, ഓഫീസ് ഡ്രസ്സ് കോഡിന്റെ ഭാഗമായി പാന്റ്സും ഷൂസും ധരിക്കുന്ന സ്ഥിരം യാത്രക്കാർ ഈ മുട്ടോളം വെള്ളത്തിൽ എന്തുചെയ്യാൻ? ഓടയിലും കാനയിലും നിന്ന് മനുഷ്യമലം അടക്കമുള്ള മാലിന്യവും അഴുക്കും ഈ മഴക്കാലത്ത് റോഡിലേക്ക് ഒഴുകി വൃത്തികേടാകുകയും ജനങ്ങൾ ഈ അഴുക്കുചാൽ നീന്തി നടക്കാൻ നിർബന്ധിതരാവുകയും ചെയ്യുമ്പോൾ കൊച്ചി മെട്രോ എങ്ങിനെ സ്മാർട്ട് സിറ്റിയാകും? കൊച്ചിയുടെ കനാലുകളും കാനകളും അടച്ചുകെട്ടുകയും മാലിന്യ നിക്ഷേപകേന്ദ്രമാക്കുകയും ചെയ്യുന്ന വാണിജ്യ -വ്യവസായ സ്ഥാപനങ്ങൾ നിർബാധം ഇത് തുടരുന്നത് അധികൃതരുടെ അനാസ്ഥമൂലമാണ്.വൻകിട ആശുപത്രികളുടെ യടക്കം മാലിന്യക്കുഴലുകൾ നീളുന്നത് കൊച്ചിയുടെ സിരകളായ ഈ കനലുകളിലേക്കാണ് എന്നുള്ളത് വളരെ ദുഖകരമായ സത്യമാണ്. ഇനിയും ഇത് തുടർന്നുപോയാൽ കൊച്ചി പകർച്ചവ്യാധികളുടെ തലസ്ഥാനമായി മാറും. ആരോഗ്യവകുപ്പും നഗരസഭയും പൊതുമരാമത്തുവകുപ്പും കാര്യക്ഷമമായി പ്രവർത്തിക്കാൻ, അനധികൃത കയ്യേറ്റങ്ങൾക്കെതിരെ നടപടിയെടുക്കാൻ ജനപ്രതിനിധികൾ ആത്മാർഥമായി ഇത്തരം പ്രശ്നങ്ങളിൽ ഇടപെടണം.
ജോസി വർക്കി
ചാത്തങ്കേരിൽ
പെരുമ്പിള്ളി 682314
No comments:
Post a Comment