ചെണ്ടമേളം ശല്യമാവുമ്പോള്‍

ചെണ്ട നമ്മുടെ നാടിന്റെ തനതു കലാവാദ്യമാണ്. ചെണ്ടമേളം കേട്ടുനില്‍ക്കാന്‍ ബഹുരസമാണ്. അതിന്റെ താളം ഒരു പ്രത്യേകത തന്നെയാണ്.

എന്നാല്‍ 10 മണിക്കൂര്‍ തുടര്‍ച്ചയായി ചെണ്ടമേളം കേള്‍ക്കേണ്ടി വന്നാലോ? ഇക്കഴിഞ്ഞ ചിങ്ങം ഒന്നിന് എന്റെ ഓഫീസിനു താഴെ ഒരു കടയുടെ പരസ്യാര്‍ത്ഥം രാവിലെ 8 മണിമുതല്‍ ചെണ്ടമേളം!! അഞ്ചു യുവാക്കള്‍ നിറുത്താതെ കൊട്ടികൊണ്ടേയിരിക്കുന്നു. ഉച്ചയോടടുതപ്പോള്‍ ഞങ്ങളുടെ ഓഫീസില്‍ പലര്‍ക്കും തലവേദന തോന്നി തുടങ്ങി. എന്ത് ചെയ്യാം? രണ്ടു സ്റ്റാഫ്‌ ഈ 'ശബ്ദശല്യം' സഹിക്കവയ്യാതെ ഉച്ചക്ക് ശേഷം ലീവ്‌ എഴുതി വീട്ടില്‍ പോയി.

എന്ത് നല്ല വാദ്യമായാലും അമിതമായാല്‍ 'ശബ്ദ മലിനീകരണം' ഒരു ശല്യം തന്നെ. അവര്‍ വൈകിട്ട് 6 മണിവരെ അവിടെ നിന്ന് കൊട്ടി. ഇനി വരുന്ന ഓണനാളുകളിലും ഈ തോന്ന്യാസം പല വാണീജ്യ സ്ഥാപനങ്ങള്‍ക്ക് മുന്‍പിലും കാണേണ്ടി വരും. കൊച്ചിപോലെ തിങ്ങി നിറഞ്ഞ ഒരു നഗരത്തില്‍ ഇത് അനുവദിക്കാമോ?

സ്വകാര്യത - എവിടെ തുടങ്ങുന്നു???

മുംബയ് ഭീകരാക്രമണത്തില്‍ കൊല്ലപെട്ട മേജോര്‍ സന്ദീപിന്റെ വീട്ടില്‍ 'സംസ്കാര ചടങ്ങുകള്‍' കഴിഞ്ഞു രണ്ടു ദിവസം കഴിഞ്ഞു കേരളത്തിലെ മുഖ്യമന്ത്രിയും ആഭ്യന്തര മന്ത്രിയും ചെന്നു. (തിരക്ക് മൂലമാകാം വൈകിയത്!!) മേജര്‍ സന്ദീപിന്റെ വീട്ടുകാര്‍ക്ക് ഇവരെ കാണാന്‍ താല്പര്യമില്ല എന്നറിയിച്ചു. എന്നാല്‍ ഗൃഹനാഥന്റെ കണ്ണ് വെട്ടിച്ച് പിന്‍ വാതിലിലൂടെ പോലീസിന്റെ സഹായത്തോടെ മുഖ്യമന്ത്രി വീട്ടിനകത്ത് പ്രവേശിച്ചു??!! (കഷ്ടം!!) ഇതിപ്പോള്‍ വന്‍ വിവാദമായിരിക്കുന്നു. എനിക്കൊരു സംശയം: ആക്രമണത്താലോ ആത്മത്ത്യയാലോ അപകടത്തിലോ മരണപ്പെടുന്ന വ്യക്തികളുടെ കുടുംബങ്ങങ്ങള്‍ പൊതു സ്വത്താണോ?? അവരുടെ കരച്ചിലും വേദനയും ഏത് ക്യാമറക്കാരനും ഒപ്പിയെടുക്കാമോ. അവരുടെ സ്വകാര്യതയ്ക്ക് യാതൊരു പ്രാധാന്യവും ഇല്ലേ? അടുത്തിടെ ആലപ്പുഴയില്‍ മൂന്നു പെണ്‍കുട്ടികള്‍ ആത്മഹത്യ ചെയ്തപ്പോഴും ക്യാമറകള്‍ അവരുടെ കുടുംബാങ്ങങ്ങളെ എത്തിനോക്കാന്‍ ഓടിയെത്തി. മൃതദേഹത്തെ കെട്ടിപ്പിടിച്ചു കരയുന്ന വീട്ടുകാരെ ക്യാമറയില്‍ ഒപ്പിയെടുത്തു നാട്ടുകാര്‍ക്കു കാണിച്ചു കൊടുത്തിട്ട് ഇവര്ക്ക് എന്ത് കിട്ടാനാണ്‌?? ഉറ്റവരെയും ഉടയവരെയും നഷ്ടപെട്ടവര്‍ പൊട്ടികരയുന്നതും അലമുറയിടുന്നതും ഒപ്പിയെടുക്കുന്ന ക്യമാരക്കാരെ നിങ്ങള്‍ക്കുമില്ലേ അമ്മയും പെങ്ങന്മാരും??!! അവരെ വെറുതെ വിട്ടുകൂടെ? ഇതു അശ്ലീലമാണ്,, ശവത്തില്‍ കുത്തലാണ്,,,