നഗ്നത പാപമാണ് (മതം)

 നഗ്നത പാപമാണ് (മതം)

വസ്ത്രം, നഗ്നത ഇതൊക്കെ ചർച്ചയായത് അങ്ങിനെയാണ്. 

ഗേറ്റ് താഴിട്ടു പൂട്ടി, വീടിന്റെ വാതിലുകൾ കുറ്റിയിട്ട് , ബാത്‌റൂമിൽ കയറി വാതിലടച്ചു ലോക്കിട്ടു കുളിക്കാൻ നേരത്തും മനുഷ്യർ  (ചിലർ) നഗ്നരാകാൻ ഭയക്കുന്നത് ഈ മതത്തിന്റെ സ്വാധീനം കൊണ്ടാണ്. എനിക്ക് തോന്നുന്നത് നഗ്നത മനുഷ്യർക്ക് വലിയ അളവിൽ മാനസീക ആരോഗ്യം പ്രധാനം ചെയ്യുമെന്നാണ്. (അല്ലെങ്കിൽ, മാനസീക സമ്മർദ്ദങ്ങളിൽ നിന്നും പുറത്തുവരാൻ നഗ്നത ഒരുപാട് സഹായിക്കും) 

പക്ഷെ, നമ്മൾ കുളിക്കുമ്പോഴോ, ഉറങ്ങുമ്പോഴോ എന്തിന് രതിയിൽ ഏർപ്പെടുമ്പോൾ പോലും നഗ്നരാകാൻ ഭയപ്പെടുന്നു?

കന്യാസ്ത്രീ എന്ന പദം നമുക്ക് വേണോ?

കന്യാസ്ത്രീ എന്ന പദം നമുക്ക് വേണോ?

ക്രിസ്ത്യാനികളുടെ ഇടയിൽ സ്ത്രീകൾ സന്യാസിനികൾ ആവുന്ന ആചാരം ചില വിഭാഗങ്ങളിൽ മാത്രമേ നിലവിലുള്ളൂ. പ്രത്യേകിച്ചും കത്തോലിക്കരുടെ ഇടയിൽ ആണ് തിരുവസ്ത്രം, കന്യാസ്ത്രീ, സന്യാസിനി എന്നെ പദങ്ങൾ പ്രചാരത്തിലുള്ളത്. കത്തോലിക്കാ സഭയുടെ ഔദ്യോഗിക പഠനങ്ങൾ തന്നെ സൂചിപ്പിക്കുന്നത് സന്യാസത്തിലേക്ക് ഇറങ്ങിത്തിരിക്കുന്ന പെൺകുട്ടികളുടെ എന്ന വളരെയധികം കുറഞ്ഞുവരുന്നു എന്നാണ്. 

ഇപ്പോഴും ഈ മേഖലയിലേക്ക് ഇറങ്ങുന്ന ഭൂരിഭാഗം യുവതികളും സ്വന്തം സൗന്ദര്യത്തെക്കുറിച്ചുള്ള അപകർഷതാബോധം, പ്രേമ പരാജയം, ലൈംഗീക വിരക്തി അല്ലെങ്കിൽ ഭയം, കുടുംബത്തിലെ ദാരിദ്ര്യം, നന്നായി ജീവിക്കുന്ന [ഭൗതീകമായി] കുറെ സിസ്റ്റേഴ്‌സിനെ കണ്ട് ആകൃഷ്ടരാവുക എന്നീ കാരണങ്ങൾ കൊണ്ട് തന്നെയാണ് തീരുമാനം എടുക്കുന്നത്. 

കന്യാസ്ത്രീ എന്നപദം തന്നെ പുനർവിചിന്തനം ചെയ്യാൻ മലയാളികൾ തയ്യാറാവണം. പുല്ലിംഗമില്ലാത്ത ഈ പദം ഇനി മലയാളനിഘണ്ടുവിൽ ആവശ്യമുണ്ടോ? മിക്കവാറും 14-15 വയസ്സിലാണ് ഇവരെ ചാക്കിട്ടുപിടിക്കുന്നത് , വളരെ പ്രലോഭനങ്ങളും സ്വപ്നങ്ങളും ദൈവവാഗ്‌ദങ്ങളും നൽകി. (20 വയസ്സെങ്കിലും കഴിയണം സ്വബോധം ശരിയായി പ്രവർത്തിക്കണമെങ്കിൽ) ചിരിച്ചും കളിച്ചും നടക്കേണ്ട പ്രായത്തിൽ വലിയൊരു മനുഷ്യാവകാശ ലംഘനമാണ് നമ്മുടെ പെണ്മക്കൾ  നേരിടുന്നത്. 

ഇതിന്റെ റിക്രൂട്ട്മെന്റ് ചുമതലയുള്ള സീനിയർ സിസ്റ്റേഴ്സ് കറങ്ങി നടന്നു, പെൺ കുഞ്ഞുങ്ങളെ പ്രലോഭോപ്പിച്ചു വശീകരിക്കുന്നു, എന്നിട്ടു വിഷയം വീടുകളിൽ അവതരിപ്പിക്കുന്നു[നേരിട്ട് അല്ലെങ്കിൽ കുഞ്ഞുങ്ങളെകൊണ്ട്] . സമുദായ സ്നേഹം കൊണ്ടും മതാന്ധതകൊണ്ടും ദൈവേഷ്ടം എന്നുകരുതിയും പല മാതാപിതാക്കളും യെസ് മൂളുന്നു.  

പിന്നീടുള്ള വർഷങ്ങൾ മുതിർന്ന [പെട്ടുപോയ] സന്യാസിനികളുടെ കീഴിൽ ദാസ്യവേലയാണ് ജീവിതം, നരകതുല്യമായ അടിമജീവിതം. ബോധം വരുമ്പോൾ 30 വയസെങ്കിലും ആയിരിക്കും, പക്ഷെ അപ്പോൾ രക്ഷപ്പെടാൻ സാധിക്കാത്ത തടവറയിൽ ഭൂരിഭാഗവും എരിഞ്ഞടങ്ങുന്നു. കുറെപ്പേർ പുതുതായി വരുന്ന ജൂനിയർസ് ന്റെ മേൽ കുതിര കയറി അവരുടെ ഫ്രസ്ട്രേഷൻ തീർക്കുന്നു  കോൺസെൻട്രേഷൻ ക്യാമ്പുകളെ ഓർമിപ്പിക്കുന്ന തടവറകളാണ് മഠങ്ങൾ. അവിടെ കുറുക്കന്മാരായ ചില പുരോഹിത മേലധികാരികൾ തങ്ങളുടെ ലൈംഗീക ദാരിദ്ര്യം തീർക്കാൻ തക്കം പാർത്ത് എത്തുന്നു. നരകത്തിൽ കിടക്കുന്ന അടിമകൾ എന്തുചെയ്യാനാണ്? സഹിക്കുന്നു, ചിലർ ദൈവേഷ്ടം എന്ന് ചിന്തിച്ച് സമാധാനിക്കുന്നു 

1. സന്യാസത്തിന് കുറഞ്ഞപ്രായം 22 എങ്കിലും ആക്കണം. സേവനമനോഭാവമുള്ള സ്ത്രീകൾക്കും പുരുഷന്മാർക്കും നല്ലൊരു മേഖലയാണ് സന്യാസം. ത്യാഗമനോഭാവത്തോടെ സ്വയം സമർപ്പിച്ചു പല നല്ല കാര്യങ്ങളും സമൂഹത്തിനുവേണ്ടി മനുഷ്യനന്മയ്ക്കു വേണ്ടി ചെയ്യാനാകും. കുടുംബ പ്രാരാബ്ധങ്ങൾ ഏറ്റെടുക്കാതെ ഏകസ്ഥജീവിതം നയിച്ച് സേവനം ചെയ്യുന്ന എത്രയോ നല്ല മനുഷ്യരുണ്ട് 
2. നിലവിൽ സന്യാസിനികളായിരിക്കുന്ന സ്ത്രീകളോട് ഉടുപ്പൂരി പുറത്തുചാടാൻ പറയുമ്പോൾ കയ്യടി കിട്ടിയേക്കാം. എന്നാൽ ഇത് പ്രായോഗികമല്ല. അവരുടെ സ്വന്തം വീടോ, സ്വന്തക്കാരോ രണ്ടുകൈയും നീട്ടി സ്വീകരിക്കുകയില്ല. എന്തിന് സമൂഹം പോലും അവരെ അവഹേളിക്കുകയും പുച്ഛിക്കുകയും ചെയ്യും. സന്യാസം ഉപേക്ഷിക്കുന്ന സ്ത്രീകളെ സംരക്ഷിക്കാൻ തയ്യാറായി  സർക്കാരോ അല്ലെങ്കിൽ ഏതെങ്കിലും സന്നദ്ധ സംഘടകളോ വരികയില്ല, സാധിക്കുകയുമില്ല.  അതിനാൽ ഉടുപ്പൂരി മതിലുചാടൂ എന്ന് പറയുന്നതൊക്കെ വെറും ഗീർവാണം മാത്രമാണ്. ഇത് പറയുന്ന മഹാത്മാക്കൾ പോലും അവരുടെ പുനരധിവാസത്തിന് ചെറുവിരലനക്കുകയില്ല 

അടിമത്തവും ചൂഷണവും സംസ്കാരമുള്ള ഒരു സമൂഹത്തിന് ചേർന്നതല്ല. ഓരോ വ്യക്തിയുടെയും അന്തസും സ്വത്വവും സംരക്ഷിക്കാൻ സമൂഹത്തിനു ബാധ്യതയുണ്ട്. പൗരോഹിത്യത്തിന്റെയും രാഷ്ട്രീയത്തിന്റെയും അധികാരചിഹ്നങ്ങൾ ദുരുപയോഗിച്ച് ദുർബലരെയും അസംഘടിതരെയും തങ്ങളുടെ ചെൽപ്പൊടിക്ക് നിറുത്തി ചൂഷണം ചെയ്യാനും പീഡിപ്പിക്കാനും മുതിരുന്ന കാപാലികരെ ഒറ്റപ്പെടുത്താൻ കേരളസമൂഹം ഒന്നിച്ചുനിൽക്കണം. മനഃസാക്ഷിയുള്ളവർ നട്ടെല്ലുനിവർത്തി ഇവർക്കെതിരെ വിരൽ ചൂണ്ടണം. ഇപ്പോഴും ഇപ്പോഴും എല്ലായ്‌പ്പോഴും.

ജോസി വർക്കി 

ചാത്തങ്കേരിൽ

വനിതാ കുമ്പസാരം വേണം

സ്ത്രീ ശാക്തീകരണം 

കേരളത്തിലെ ലക്ഷകണക്കിന് യുവതികളെയും വനിതകളെയും ബാധിക്കുന്ന ഒരു വലിയ പ്രശ്നത്തിലേക്ക് ശ്രദ്ധയാകർഷിക്കുന്നതിനാണ് ഈ കുറിപ്പ് എഴുതുന്നത്. ശബരിമല കയറ്റം അല്ല അത്, മറിച്ച് ക്രിസ്ത്യൻ സമ്പ്രദായത്തിൽ ഉള്ള കുമ്പസാരം എന്ന ആചാരത്തെക്കുറിച്ചാണ്. റോബിൻ സംഭവങ്ങൾ അവർത്തിക്കാതിരിക്കാനും യൂറോപ്യൻ [പൗരോഹിത്യ] ദുരന്തങ്ങളിൽ നിന്ന് പാഠം ഉൾകൊണ്ടുകൊണ്ടും എത്രയും വേഗം വനിതകളുടെ കുമ്പസാരം വനിതാ സന്യസ്തർ കേൾക്കുന്നതിനുള്ള സാഹചര്യം ഉളവാക്കണം. അതിനുതക്ക ആൾശേഷിയും സംവിധാനവും ക്രിസ്തീയ സഭകളിൽ ഇന്നുണ്ട്. ആയിരക്കണക്കിന് സന്യാസിനികൾക്ക് ഈ ചുമതല കൈമാറുകയും മാറിക്കൊണ്ടിരിക്കുന്ന ഭൗതീക സാഹചര്യങ്ങളിൽ കാലിടറാനുള്ള സാഹചര്യങ്ങളിൽ നിന്ന് ബഹുമാനപ്പെട്ട  യുവപുരോഹിത [മധ്യവയസ്കരും] സുഹൃത്തുക്കളെ    രക്ഷിക്കുകയും ചെയ്യണമെന്ന് അഭ്യർത്ഥിക്കുന്നു. 

കുമ്പസാരം എന്ന പ്രക്രിയ, പാപബോധം എന്ന കുനിഷ്ട് ഒഴിവാക്കിയാൽ വളരെ നല്ല ഒരു കൗൺസിലിങ് രീതിയാണ്. അന്യരുടെ ദുഖങ്ങളും സങ്കടങ്ങളും കേൾക്കുക എന്ന വലിയ കാര്യമാണ് ഈ പ്രക്രിയയിലൂടെ നടന്നുകൊണ്ടിരിക്കുന്നത്. യാതൊരു കാരണവശാലും ഒരിക്കലും മൂന്നാമതൊരാൾ അറിയില്ല എന്ന ഉറപ്പോടെ, രഹസ്യ സ്വഭാവം സൂക്ഷിച്ചുകൊണ്ട്, മറ്റൊരാളുമായി തന്റെ സ്വകാര്യ ദുഃഖങ്ങൾ പങ്കുവയ്ക്കുവാൻ, സാഹചര്യം ഉണ്ടാവുന്നത് ക്രൈസ്തവ സമൂഹത്തിന്റെ വലിയൊരു അനുഗ്രഹമാണ്. എന്നാൽ മാറിവരുന്ന ഭൗതീക സാഹചര്യങ്ങളിൽ നമ്മുടെ പുരോഹിതർക്ക് തങ്ങളുടെ മനോബലം ദൃഢതയോടെ കാത്തുസൂക്ഷിക്കാനാവുമെന്ന് മാർപ്പാപ്പയ്ക്ക് പോലും ഉറപ്പു പറയാനാവില്ല. അതിനാൽ നവോത്ഥാനം വേണ്ടത് ഈ ഒരു ആചാരം തിരുത്തിയെഴുതുന്നതിന് വേണ്ടിയാണ്. 

അഭിനവ നവോത്ഥാന പ്രസ്ഥാനക്കാർ ഇക്കാര്യം എത്രയും പെട്ടെന്ന് മാർപാപ്പയുടെ മുന്നിലവതരിപ്പിച്ച് വനിതകളുടെ കുമ്പസാരം വനിതാ സന്യസ്തർ കേൾക്കുന്നതിനുള്ള സാഹചര്യം ഉണ്ടാക്കിയെടുക്കണമെന്ന് അഭ്യർത്ഥിക്കുന്നു. അദ്ദേഹവും ഇതിനു പരിപൂർണ്ണ പിന്തുണ തരുമെന്നാണ് യൂറോപ്പിലെ പൗരോഹിത്യ ലൈംഗീക അപവാദ കേസുകളിൽ നഷ്ടപരിഹാരം കൊടുക്കുന്ന കണക്കുകൾ പത്രങ്ങളിൽ വായിക്കുമ്പോൾ തോന്നുന്നത്     

വിഭജനത്തിന്റെ മതിൽ:

വിഭജനത്തിന്റെ മതിൽ:

വനിതാ മതിൽ നവോത്ഥാനം കൊണ്ടുവരുമോ? സ്ത്രീ ശാക്തീകരണം ഉയർത്തുമോ? തുല്യതാബോധം വളർത്തുമോ?   കേരളത്തിൽ സ്ത്രീകളോടുള്ള മനോഭാവം, (പുരുഷൻമാരുടെയും സ്ത്രീകളുടെയും) മാറേണ്ട കാലം അതിക്രമിച്ചിരിക്കുന്നു. എന്നാൽ മതിൽ കെട്ടി തിരിച്ചോ മതിലിൽ ചാരി നിർത്തിയതുകൊണ്ടോ ഈ സമീപനം മാറില്ല. 

മതിൽ നിർമ്മാണം തന്നെ സ്ത്രീകളെ താഴ്ത്തികെട്ടുന്ന സ്ഥിരം ചില ആചാരങ്ങളുടെ അവർത്തനമായി മാറാനുള്ള സാധ്യത തെളിഞ്ഞു വരുന്നു. സർക്കാർ /പാർട്ടി പരിപാടികൾ വിജയിപ്പിക്കാൻ സ്ഥിരമായി കൈക്കൊള്ളുന്ന ചില സ്ത്രീവിരുദ്ധ നടപടികൾ ഈ മതിൽ കെട്ടാനും ഉപയോഗിക്കും. സ്ത്രീ ശാക്തീകരണത്തിന് വേണ്ടി തുടങ്ങി വച്ച കുടുംബശ്രീ, ആശ അംഗനവാടി പ്രവർത്തകരെ പരോക്ഷമായ ഭീഷണിയുടെ മതിലിൽ ചാരിനിൽക്കാൻ പ്രേരിപ്പിക്കുന്ന കാഴ്ച എല്ലായിടത്തും കാണാം. പൊതുപരിപാടികൾക്കും പ്രകടങ്ങൾക്കും ആളെകൂട്ടാനുള്ള എളുപ്പവഴിയായി കുടുംബശ്രീ / അംഗനവാടി പ്രവർത്തകരെ ചൂഷണം ചെയ്യുന്നത് വലിയ സ്ത്രീ വിരുദ്ധത തന്നേയാണ്. അധ്യാപികമാർ, വിദ്യാർത്ഥിനികൾ, നേഴ്സ് മാർ, പാചകത്തൊഴിലാളികൾ, അക്ഷയ സെന്റർ ജോലിക്കാർ  തുടങ്ങിയവരെ പുരുഷ കേന്ദ്രീകൃത നേതൃത്വത്തിന്റെ ആജ്ഞാശക്തിയിൽ മതിലിലേക്ക് വലിച്ചടുപ്പിക്കുന്നത് ആണോ നവോത്ഥാനം.          

 

ഭീഷണിപ്പെടുത്തി സംഘടിതരാക്കുന്ന അപരിഷ്‌കൃത രീതി സാക്ഷരകേരളത്തിൽ  അവസാനിപ്പിക്കേണ്ടിയിരിക്കുന്നു. 

താലമെടുപ്പ്, സ്വീകരണം, ബൊക്കെ കൊടുക്കൽ, ചായവിതരണം, ഫ്ലവർ ഗേൾസ്, ചിയർ ഗേൾസ്  ഇവയ്ക്കുവേണ്ടി മാത്രം വനിതകളെ ഉപയോഗിക്കുന്നവർ പൊതുപരിപാടികളിലെ വേദികളിൽ എത്ര സ്ത്രീകൾ ഉണ്ടെന്ന് എണ്ണണം. യൂണിഫോം ഇട്ട് പരിപാടികൾക്ക് കൊഴുപ്പേകാൻ കുടുംബശ്രീ /അംഗനവാടി പ്രവർത്തകരെ ചൂഷണം ചെയ്യുന്നത് ഉടനടി നിർത്തലാക്കണം     

പ്രകടനങ്ങൾക്കും ആളെകൂട്ടാനും മാത്രമായി സ്ത്രീകളെ കാണുന്ന രാഷ്ട്രീയ പാർട്ടികളും സമുദായ സംഘടനകളും മാറിചിന്തിക്കണം. നിയമസഭയടക്കം കേരളത്തിലെ നേതൃത്വ സ്ഥാനങ്ങളിൽ എത്ര വനിതകൾ ഉണ്ടെന്നു കണക്കെടുക്കണം. ബോധപൂർവ്വം മാറ്റിനിർത്തികൊണ്ട് 'ലിംഗനീതി' ഉറപ്പിലാക്കാനാവില്ല!   സ്ത്രീത്വത്തിന്റെ അന്തസ്സിനും അഭിമാനത്തിനും വിലകല്പിക്കാത്ത നൃത്തരൂപങ്ങളും വസ്ത്രധാരണ ശൈലികളും വഴിയിലുപേക്ഷിച്ച് സ്വതന്ത്രമായി ചിന്തിക്കുകയും സ്വാഭിമാനത്തോടെ പ്രവർത്തിക്കുകയും ചെയ്യുന്ന വനിതകളെയാണ് നമുക്കാവശ്യം.  

കേവലം രാഷ്ട്രീയ ലാഭത്തിനുവേണ്ടി കാട്ടികൂട്ടുന്ന ഈ ലഹളകൾ നമ്മുടെ നാടിനു വലിയ ദോഷം ചെയ്യും. ഭിന്നിപ്പിച്ചു ഭരിക്കുകയും വോട്ടുബാങ്കുകൾ സൃഷ്ടിക്കുകയും ചെയ്യുമ്പോൾ നമുക്ക് നഷ്ടപ്പെടുന്ന സഹിഷ്ണുതയും മാനവികതയും വീണ്ടെടുക്കാൻ ഇനിയും ഒരു പ്രളയത്തിനായി നമ്മൾ കാത്തിരിക്കേണ്ടി വരും  

----------

ജോസി വർക്കി 

ചാത്തങ്കേരിൽ 

പെരുമ്പിള്ളി 682314

കന്യാസ്ത്രീ എന്ന പദം നമുക്ക് വേണോ?

കന്യാസ്ത്രീ എന്ന പദം നമുക്ക് വേണോ?

ക്രിസ്ത്യാനികളുടെ ഇടയിൽ സ്ത്രീകൾ സന്യാസിനികൾ ആവുന്ന ആചാരം ചില വിഭാഗങ്ങളിൽ മാത്രമേ നിലവിലുള്ളൂ. പ്രത്യേകിച്ചും കത്തോലിക്കരുടെ ഇടയിൽ ആണ് തിരുവസ്ത്രം, കന്യാസ്ത്രീ, സന്യാസിനി എന്നെ പദങ്ങൾ പ്രചാരത്തിലുള്ളത്. കത്തോലിക്കാ സഭയുടെ ഔദ്യോഗിക പഠനങ്ങൾ തന്നെ സൂചിപ്പിക്കുന്നത് സന്യാസത്തിലേക്ക് ഇറങ്ങിത്തിരിക്കുന്ന പെൺകുട്ടികളുടെ എന്ന വളരെയധികം കുറഞ്ഞുവരുന്നു എന്നാണ്. 

ഇപ്പോഴും ഈ മേഖലയിലേക്ക് ഇറങ്ങുന്ന ഭൂരിഭാഗം യുവതികളും സ്വന്തം സൗന്ദര്യത്തെക്കുറിച്ചുള്ള അപകർഷതാബോധം, പ്രേമ പരാജയം, ലൈംഗീക വിരക്തി അല്ലെങ്കിൽ ഭയം, കുടുംബത്തിലെ ദാരിദ്ര്യം, നന്നായി ജീവിക്കുന്ന [ഭൗതീകമായി] കുറെ സിസ്റ്റേഴ്‌സിനെ കണ്ട് ആകൃഷ്ടരാവുക എന്നീ കാരണങ്ങൾ കൊണ്ട് തന്നെയാണ് തീരുമാനം എടുക്കുന്നത്. 

കന്യാസ്ത്രീ എന്നപദം തന്നെ പുനർവിചിന്തനം ചെയ്യാൻ മലയാളികൾ തയ്യാറാവണം. പുല്ലിംഗമില്ലാത്ത ഈ പദം ഇനി മലയാളനിഘണ്ടുവിൽ ആവശ്യമുണ്ടോ? മിക്കവാറും 14-15 വയസ്സിലാണ് ഇവരെ ചാക്കിട്ടുപിടിക്കുന്നത് , വളരെ പ്രലോഭനങ്ങളും സ്വപ്നങ്ങളും ദൈവവാഗ്‌ദങ്ങളും നൽകി. (20 വയസ്സെങ്കിലും കഴിയണം സ്വബോധം ശരിയായി പ്രവർത്തിക്കണമെങ്കിൽ) ചിരിച്ചും കളിച്ചും നടക്കേണ്ട പ്രായത്തിൽ വലിയൊരു മനുഷ്യാവകാശ ലംഘനമാണ് നമ്മുടെ പെണ്മക്കൾ  നേരിടുന്നത്. 

ഇതിന്റെ റിക്രൂട്ട്മെന്റ് ചുമതലയുള്ള സീനിയർ സിസ്റ്റേഴ്സ് കറങ്ങി നടന്നു, പെൺ കുഞ്ഞുങ്ങളെ പ്രലോഭോപ്പിച്ചു വശീകരിക്കുന്നു, എന്നിട്ടു വിഷയം വീടുകളിൽ അവതരിപ്പിക്കുന്നു[നേരിട്ട് അല്ലെങ്കിൽ കുഞ്ഞുങ്ങളെകൊണ്ട്] . സമുദായ സ്നേഹം കൊണ്ടും മതാന്ധതകൊണ്ടും ദൈവേഷ്ടം എന്നുകരുതിയും പല മാതാപിതാക്കളും യെസ് മൂളുന്നു.  

പിന്നീടുള്ള വർഷങ്ങൾ മുതിർന്ന [പെട്ടുപോയ] സന്യാസിനികളുടെ കീഴിൽ ദാസ്യവേലയാണ് ജീവിതം, നരകതുല്യമായ അടിമജീവിതം. ബോധം വരുമ്പോൾ 30 വയസെങ്കിലും ആയിരിക്കും, പക്ഷെ അപ്പോൾ രക്ഷപ്പെടാൻ സാധിക്കാത്ത തടവറയിൽ ഭൂരിഭാഗവും എരിഞ്ഞടങ്ങുന്നു. കുറെപ്പേർ പുതുതായി വരുന്ന ജൂനിയർസ് ന്റെ മേൽ കുതിര കയറി അവരുടെ ഫ്രസ്ട്രേഷൻ തീർക്കുന്നു  കോൺസെൻട്രേഷൻ ക്യാമ്പുകളെ ഓർമിപ്പിക്കുന്ന തടവറകളാണ് മഠങ്ങൾ. അവിടെ കുറുക്കന്മാരായ ചില പുരോഹിത മേലധികാരികൾ തങ്ങളുടെ ലൈംഗീക ദാരിദ്ര്യം തീർക്കാൻ തക്കം പാർത്ത് എത്തുന്നു. നരകത്തിൽ കിടക്കുന്ന അടിമകൾ എന്തുചെയ്യാനാണ്? സഹിക്കുന്നു, ചിലർ ദൈവേഷ്ടം എന്ന് ചിന്തിച്ച് സമാധാനിക്കുന്നു 

1. സന്യാസത്തിന് കുറഞ്ഞപ്രായം 22 എങ്കിലും ആക്കണം. സേവനമനോഭാവമുള്ള സ്ത്രീകൾക്കും പുരുഷന്മാർക്കും നല്ലൊരു മേഖലയാണ് സന്യാസം. ത്യാഗമനോഭാവത്തോടെ സ്വയം സമർപ്പിച്ചു പല നല്ല കാര്യങ്ങളും സമൂഹത്തിനുവേണ്ടി മനുഷ്യനന്മയ്ക്കു വേണ്ടി ചെയ്യാനാകും. കുടുംബ പ്രാരാബ്ധങ്ങൾ ഏറ്റെടുക്കാതെ ഏകസ്ഥജീവിതം നയിച്ച് സേവനം ചെയ്യുന്ന എത്രയോ നല്ല മനുഷ്യരുണ്ട് 
2. നിലവിൽ സന്യാസിനികളായിരിക്കുന്ന സ്ത്രീകളോട് ഉടുപ്പൂരി പുറത്തുചാടാൻ പറയുമ്പോൾ കയ്യടി കിട്ടിയേക്കാം. എന്നാൽ ഇത് പ്രായോഗികമല്ല. അവരുടെ സ്വന്തം വീടോ, സ്വന്തക്കാരോ രണ്ടുകൈയും നീട്ടി സ്വീകരിക്കുകയില്ല. എന്തിന് സമൂഹം പോലും അവരെ അവഹേളിക്കുകയും പുച്ഛിക്കുകയും ചെയ്യും. സന്യാസം ഉപേക്ഷിക്കുന്ന സ്ത്രീകളെ സംരക്ഷിക്കാൻ തയ്യാറായി  സർക്കാരോ അല്ലെങ്കിൽ ഏതെങ്കിലും സന്നദ്ധ സംഘടകളോ വരികയില്ല, സാധിക്കുകയുമില്ല.  അതിനാൽ ഉടുപ്പൂരി മതിലുചാടൂ എന്ന് പറയുന്നതൊക്കെ വെറും ഗീർവാണം മാത്രമാണ്. ഇത് പറയുന്ന മഹാത്മാക്കൾ പോലും അവരുടെ പുനരധിവാസത്തിന് ചെറുവിരലനക്കുകയില്ല 

അടിമത്തവും ചൂഷണവും സംസ്കാരമുള്ള ഒരു സമൂഹത്തിന് ചേർന്നതല്ല. ഓരോ വ്യക്തിയുടെയും അന്തസും സ്വത്വവും സംരക്ഷിക്കാൻ സമൂഹത്തിനു ബാധ്യതയുണ്ട്. പൗരോഹിത്യത്തിന്റെയും രാഷ്ട്രീയത്തിന്റെയും അധികാരചിഹ്നങ്ങൾ ദുരുപയോഗിച്ച് ദുർബലരെയും അസംഘടിതരെയും തങ്ങളുടെ ചെൽപ്പൊടിക്ക് നിറുത്തി ചൂഷണം ചെയ്യാനും പീഡിപ്പിക്കാനും മുതിരുന്ന കാപാലികരെ ഒറ്റപ്പെടുത്താൻ കേരളസമൂഹം ഒന്നിച്ചുനിൽക്കണം. മനഃസാക്ഷിയുള്ളവർ നട്ടെല്ലുനിവർത്തി ഇവർക്കെതിരെ വിരൽ ചൂണ്ടണം. ഇപ്പോഴും ഇപ്പോഴും എല്ലായ്‌പ്പോഴും.

ജോസി വർക്കി 

ചാത്തങ്കേരിൽ 

പെരുമ്പിള്ളി 682314

------------------------------------------------------------------------------------------------    

ശബരിമലയിൽ സ്ത്രീകളോ?

ശബരിമലയിൽ ഇപ്പൊ'തന്നെ പത്തിരുപതു ഭക്തർ തിക്കിലും തിരക്കിലും പെട്ട് മരിക്കുന്നുണ്ട്. ഇനി സ്ത്രീകളെക്കൂടി അങ്ങോട്ട്‌ പറഞ്ഞു വിട്ടാൽ എന്താകും അവസ്ഥ? സ്ത്രീകളെങ്കിലും സ്വസ്ഥമായി വീട്ടിൽ ഇരിക്കട്ടെ, 'തത്വമസി' (അത് നീ തന്നെ) എന്നു വായിക്കാൻ എന്തിനാ ഈ തിക്കിലും തിരക്കിലും പോയി വെറുതെ ചവിട്ടു മേടിക്കുന്നത്. സ്ത്രീകൾക്ക് ശബരിമലയിൽ പ്രവേശനം നല്കിയത് കൊണ്ടോ, അൾത്താരയിൽ കയറി കുർബാന ചെല്ലിയതുകൊണ്ടോ സ്ത്രീകൾ ബാങ്ക് വിളിച്ചതുകൊണ്ടോ അല്ല സ്ത്രീ ശക്തിപ്പെടുന്നത്. അവളുടെ മഹത്തായ മാതൃത്വത്തിന് പകരം വയ്ക്കാൻ എന്തുണ്ടീ ഭൂമിയിൽ ??

ഈശ്വരനിൽ വിശ്വസിക്കരുത്

മതാന്ധതയെക്കാൾ ഭീകരം
വർഗീയതയാണ്
വർഗീയതയേക്കാൾ ഭീകരം
ജാതീയതയാണ്
ജാതീയതയെക്കാൾ ഭീകരം
സങ്കുചിതചിന്താഗതിയാണ്
സങ്കുചിത മനസ്സിനേക്കാൾ ഭീകരം
പുരോഗമനവിരോധമാണ്
....
ഒരു രാജ്യത്തിനുള്ളിൽ നിന്നുകൊണ്ട്
ഒരു മതതിനുള്ളിൽ നിന്നുകൊണ്ട്
അതിന്റെ തിന്മവശങ്ങളെ വിമർശിച്ചാൽ
ചൂണ്ടികാണിച്ചാൽ
പിന്നെ വച്ചേക്കില്ല!!!

ഈശ്വരനിൽ വിശ്വസിക്കരുത്
നിന്നിലും വിശ്വസിക്കരുത്
മതങ്ങളിൽ
പുരോഹിതന്മാരിൽ
കൂട്ടികൊടുപ്പുകാരിൽ
മാത്രം
വിശ്വസിക്കുക

ഭക്തി വ്യാപാരം

'ആറ്റുകാല്‍ പൊങ്കാല' വിശ്വ പ്രസിദ്ധമാണ്. അവിടെ പൊങ്കാലയിടുന്ന സ്ത്രീകളുടെ എണ്ണം സര്‍വ്വകാല റെക്കോര്‍ഡ്‌ ആണ് ഗിന്നുസ് ബുക്കില്‍ രേഖപ്പെടുത്തിയിരിക്കുന്നത്. 'ആറ്റുകാല്‍ പൊങ്കാല'യുടെ പ്രശസ്തിയും പണക്കൊഴുപ്പും കണ്ടിട്ടാകണം തിരുവനന്തപുരത്തിപ്പോള്‍ 50-ഇല്‍ അധികം സ്ഥലങ്ങളില്‍ പൊങ്കാല നടക്കുന്നു. (നടത്തുന്നു!)
ദാ... ഇപ്പോ നോക്കുമ്പോള്‍ എറണാകുളത്ത് കലൂര്‍ പാവക്കുളം അമ്പലത്തിലും പൊങ്കാല ഉത്സവം (വ്യാപാരം?) May 6th.

ഇതിങ്ങനെ പോയാല്‍ കേരളത്തിലെ എല്ലാ പഞ്ചായത്തിലും ഒരഞ്ചുവര്ഷം കൊണ്ട് വ്യപിക്കാനിടയുണ്ട്. ചിലപ്പോള്‍ ശബരിമല മകര ജ്യോതിയും കേരളത്തിലെ എല്ലാ ജില്ലകളിലും ആകും!! (പണം തന്നെ പ്രധാനം, അല്ലേ?)

വിശ്വദര്‍ശനമാണ് ഹിന്ദുത്വം

രാജ്യത്തു എപ്പോള്‍ എവിടെ ഹിന്ദുത്വം ദുര്‍ബലമാകുന്നുവോ അപ്പോള്‍ അവിടെ രാജ്യം ശിഥിലമാകുന്നു. രാജ്യത്തിന്റെ ഏകതയുടെ ആധാരമാണ് ഹിന്ദുത്വം. അതിനു മതമോ ജാതിയോ ഇല്ല. ഏതു മതവിശ്വാസിയെയും ഹിന്ദുത്വം ഉള്‍ക്കൊള്ളും. വിശ്വദര്‍ശനമാണ് ഹിന്ദുത്വം. ലോകത്തിന്റെ മുഴുവന്‍ സമാധാനത്തിനു ഹിന്ദുത്വം വളരണം. (ഡോ: മോഹന്‍ ഭഗവത് - ആര്‍.എസ്.എസ്. മേധാവി)

-----------------------------

അപ്പോ, നമ്മുടെ യേശുദാസിനും ഗുരുവായൂര്‍ അമ്പലത്തില്‍ കയറാം?

ശബരിമല സീസണ്‍ തുടങ്ങി -നാറ്റവും

ഇന്നത്തെ ട്രെയിനില്‍ കുറച്ചു സ്വാമിമാര്‍ ഉണ്ടായിരുന്നു. ആന്ധ്ര അല്ലെങ്കില്‍ തമിഴ്, ഏതായാലും കുളിച്ചിട്ടു രണ്ടാഴ്ചയില്‍ കൂടുതല്‍ ആയിട്ടുണ്ട്‌. ഹ്ഹോ .. നാറ്റം കാരണം മൂക്കിന്റെ പാലം ഒടിഞ്ഞു. പലര്‍ക്കും ഭക്തി എന്നാല്‍ സ്വന്തം ഉത്തരവാദിത്വങ്ങളില്‍ നിന്നുമുള്ള ഒളിച്ചോട്ടമാണ്‌ . (സ്വന്തം അമ്മായി അമ്മയെ നോക്കാതെ ധ്യാനം കൂടാന്‍ പോകുന്ന ക്രിസ്ത്യാനി പെണ്ണുങ്ങളെ പോലെ) ശബരി മലക്ക് മാലയിട്ടാല്‍ പിന്നെ കുളിയും പല്ലുതേപ്പും വേണ്ട എന്ന് വിചാരിക്കുന്ന സ്വാമിമാരെ കേരളത്തില്‍ കണ്ടില്ലെങ്കിലും അന്യ സംസ്ഥാനങ്ങളില്‍ ധാരാളം കാണാം അത് കൂടാതെ മുറുക്കി തുപ്പി, പാനും ചവച്ചു, ബീഡിയും വലിച്ചു മലയ്ക്ക് പോകുന്നവര്‍ ...എന്താണ് യഥാര്‍ത്ഥ ഭക്തി എന്ന് ഭഗവത് ഗീത 12 അധ്യായത്തില്‍ പറയുന്നുണ്ട്. (Chapter 12, Shloks (verses) 13-20 of the Gita) ആര് വായിക്കാന്‍? കര്‍ത്താവേ ഇവര്‍ ചെയ്യുന്നത് എന്തെന്ന് ഇവര്‍ തന്നെ അറിയുന്നില്ല!

കര്‍ത്താവു വിയര്‍ക്കുന്നു!!

കഴിഞ്ഞ ദിവസം ഒരു ബന്ധു പറഞ്ഞാണ് അറിഞ്ഞത്. തണ്ണീര്‍മുക്കം [ആലപ്പുഴ ജില്ല] പള്ളിയില്‍ അത്ഭുതം! കര്‍ത്താവ്‌ വിയര്‍ക്കുന്നു. ഇത് കേട്ടറിഞ്ഞു വന്‍ജനാവലി ആണ് തണ്ണീര്‍മുക്കത്തേക്ക് പായുന്നത്. കോട്ടയം ജില്ലയിലെ കടുത്തുരുത്തിയില്‍ നിന്നും നൂറുകണക്കിന് ഭക്തജനങ്ങള്‍ ബസ്സ് പിടിച്ചു അത്ഭുതം കാണാന്‍പോയി എന്നാണ് എന്റെ ബന്ധു പറഞ്ഞത്.
------------------------------------------------------------
ഒരു പെണ്‍കുട്ടി പ്രാര്‍ത്ഥിച്ചു കൊണ്ടിരുന്നപ്പോള്‍ ആണ് കര്‍ത്താവ്‌ രക്തം വിയര്‍ക്കുന്നത് ആദ്യമായി കണ്ടത്. ആ പെണ്‍കുട്ടിയെ വികാരിയച്ചന്‍ കൂടെ താമസിപ്പിക്കുന്നു പോലും? അല്ലെങ്കിലും വിശുദ്ധയായ ആ പെണ്‍കുട്ടിയെ സംരക്ഷിക്കേണ്ടത് വികാരിയച്ചന്റെ കടമ തന്നെ. പിന്നെയുമുണ്ട് രസം - കുറേപേര്‍ പ്രാര്‍ത്ഥിച്ചു കൊണ്ടിരുന്നപ്പോള്‍ കര്‍ത്താവ്‌ അവരുടെ മുന്‍പില്‍ കൂടെ നടന്നു പോയത്രേ! നടന്നു പോയി കഴിഞ്ഞപ്പോള്‍ നിലത്തു രക്തതുള്ളികള്‍. (കര്‍ത്താവിനെങ്ങാനും പൈല്‍സ്‌ -ന്റെ അസുഖം ഉണ്ടോ ആവ്വോ?) എന്തായാലും തണ്ണീര്‍മുക്കം പള്ളിക്ക് നല്ല വരുമാനം ആണ് കുറച്ചിടെ ആയിട്ട്. [തണ്ണീര്‍മുക്കം തിരുരക്ത ദേവാലയ വികാരി - ഫ.സെലെസ്റ്റിന്‍ ഇന്ച്ചക്കല്‍]
----------------------------------------------------------
സി.ജെസ്മി, കര്‍മേല്‍ ആശുപത്രി, കൊച്ചി ബിഷപ്പ് തട്ടുങ്കല്‍, സി.സെഫി, ....... കേരളത്തില്‍ 'യേശു കര്‍ത്താവ്‌' വിയര്‍ത്തില്ലെങ്കിലേ അത്ഭുതമുള്ളൂ!!

സിന്ധു ജോയ്?? ഇത് വേണമായിരുന്നോ???

എറണാകുളത്തെ സി.പി.എം സ്ഥാനാര്‍ഥി ശ്രീമതി.സിന്ധു ജോയ് ഇലക്ഷന്‍ ദിവസം വരാപ്പുഴ ബിഷപ്പ് ദാനിയേല്‍ അച്ചാര്പറമ്പില്‍ പിതാവിന്റെ കൈ ചുംബിക്കുന്ന ചിത്രം ഇന്നലെ പത്രങ്ങളില്‍ കണ്ടു. തെറ്റല്ല, പക്ഷെ . . . ഒരു സംശയം. എസ്.എഫ്.ഐ.യുടെ സമരസഖാവും, ധീരവനിതാ നേതാവും ആയ സിന്ധു ഇത് ചെയ്യണമായിരുന്നോ?
"Ms Sindhu Joy, the young-blooded, fire branded , student activist of the national standing have certain factors in her favour. At first, her age itself. Ms Sindhu Joy is in her 30s. Secondly, Kerala student movement has seen Ms Sindhu spearheading many strikes for various causes representing her student wing." (www.kerala.com)

മാര്‍ക്സിസ്റ്റുകാര്‍ക്ക് ഇപ്പൊ പണ്ടത്തെ പോലെ [കപട]ആദര്‍ശം ഒന്നും ഇല്ലേ?

"ഫോടോഗ്രഫര്‍ക്ക് മുന്‍പില്‍ ഇതാണെങ്കില്‍ ................???!!!"

മതമില്ലാത്ത ജീവന്‍ ഇന്നലെ മരിച്ചു

ഇന്നലെ പൊന്നിയില്‍ വച്ചായിരുന്നു അന്ത്യം. ഇത് കൊലപാതകം ആണെന്നും ആത്മഹത്യ ആണെന്നും രണ്ടഭിപ്രായം ഉണ്ട്. ജീവന്‍ കുറച്ചു കാലമായി നിരാശയില്‍ ആയിരുന്നു. ചിലര്‍ ജീവനെ ബലമായി പിടിച്ചു മലപ്പുറത്ത്‌ വച്ച് 'അറ്റം മുറിക്കാന്‍' ശ്രമിച്ചതും, എറണാകുളം മണ്ഡലത്തില്‍ വച്ച് 'വെന്തിങ്ങ' ഇടാന്‍ ശ്രമിച്ചതും കൊല്ലത്ത് വച്ച് 'മഞ്ഞ/കാവി' ഉടുപ്പിക്കാന്‍ ശ്രമിച്ചതും അദ്ദേഹത്തെ വളരെ തളര്‍ത്തിയിരുന്നു. എങ്കിലും ജീവന്റെ മൃതദേഹം സംസ്കരിക്കില്ല എന്നു ജീവന്റെ വളര്‍ത്തച്ചന്‍ ശ്രീ.വിജയന്‍ അറിയിച്ചു.

ബിഷപ്പിനെ വെറുതെ വിടൂ ... പ്ലീസ്

കത്തോലിക്കാ സഭയുടെ കൊച്ചി രൂപതയിലെ ഒരു ബിഷപ്പ് മാനസിക അസ്വാസ്ഥ്യം കാണിക്കുന്നുണ്ട്‌. മാധ്യമങ്ങള്‍ അത് കൊണ്ടാടുന്നുമുണ്ട്. സന്തോഷ് മാധവന് ശേഷം കിട്ടിയ തുരുപ്പ് ചീട്ട്‌!! 'ബുദ്ധിഭ്രംശം' സംഭവിച്ച അതിയാനെ ബിഷപ്പ് /അച്ചന്‍ സ്ഥാനത്ത് നിന്നു നീക്കി 'വിശ്രമ ജീവിതം' നയിക്കാനുള്ള എര്പടുകള്‍ കത്തോലിക്കാ സഭ നടത്തണം. അടി തെറ്റിയാല്‍ ആനയും [ബിഷപ്പ്] വീഴുമെന്നു വിശ്വാസികള്‍ മനസിലാക്കാനുള്ള ദൈവത്തിന്റെ ഓരോരോ കളികള്‍??!! അല്ലാതെന്തു പറയാന്‍.
ഒരു സംശയം:
ഈ രക്തം കൊണ്ടു ബിഷപ്പ് ഹൌസ് ശുദ്ധി ചെയ്തൂന്ന് കേട്ടൂ ... അതും സോണി മോള്‍ടെ ??!! [തിരുമേനീ . . . അങ്ങുതന്നെ അങ്ങ് തന്നെ പറഞ്ഞതാണല്ലോ] അങ്ങേന്ത അവളുടെ 'സ്റ്റേ ഫ്രീ' പിഴിഞ്ഞോ? പ്പ് ഫ്ഫ്ഫാ .. ഫാദര്‍ @%$%%&&^&!$$#$%(*(%^?<>

വി. അല്ഫോന്സ : വിശുദ്ധിയുടെ മാനദണ്ടം???

എന്താണ് അല്ഫൊന്സാമ്മയുടെ പ്രത്യേകത?

എന്തെങ്കിലും ജീവിത സംഭവങ്ങള്‍?

പ്രബോധനങ്ങള്‍?

ഈ വിശുദ്ധീകരണം ഒക്കെ വെറും ഒരു ആത്മീയ 'ഗിമ്മിക്ക്‌' അല്ലേ, എന്നാണ്‌ എന്റെ സംശയം.വിശുദ്ധന്മാരെ സൃഷ്ടിക്കുന്ന കത്തോലിക്കാ ഫാക്ടാറിയുടെ ഏറ്റവും പുതിയ തമാശ!!

ഭീകരര്‍/തീവ്രവാദി=മുസ്ലിം??!!

ഭീകരര്‍/തീവ്രവാദികള്‍ എന്നൊക്കെ കേള്‍ക്കുമ്പോള്‍ ഉടനെ മനസ്സില്‍ ഓടിയെത്തുന്നത് മീശയില്ലാതെ താടിമാത്രം നീട്ടിവളര്‍ത്തിയ ഏതെങ്കിലും മുസ്ലിം യുവാവിന്റെ മുഖമാണ്।

ദൈവം എന്ന് പറയുമ്പോള്‍ എന്റെ മനസ്സില്‍ ഓടിയെത്തുന്നത് ‘പരമകാരുണികനായ അല്ലാഹു’വിനെയും।

ഇതുരണ്ടും കൂടി എങ്ങിനെയാണു കെട്ടുപിണഞ്ഞ് പോയത് എന്ന് എത്ര ആലോചിച്ചിട്ടും ഒരു പിടിയും കിട്ടുന്നില്ല! എന്റെ സുഹ്രുത്തകളായ മുസല്‍മാന്മാരെല്ലാവരും എളിമയും
ദീനിബോദവും ഉള്ളവരാണുതാനും।