മതമില്ലാത്ത ജീവന്‍ ഇന്നലെ മരിച്ചു

ഇന്നലെ പൊന്നിയില്‍ വച്ചായിരുന്നു അന്ത്യം. ഇത് കൊലപാതകം ആണെന്നും ആത്മഹത്യ ആണെന്നും രണ്ടഭിപ്രായം ഉണ്ട്. ജീവന്‍ കുറച്ചു കാലമായി നിരാശയില്‍ ആയിരുന്നു. ചിലര്‍ ജീവനെ ബലമായി പിടിച്ചു മലപ്പുറത്ത്‌ വച്ച് 'അറ്റം മുറിക്കാന്‍' ശ്രമിച്ചതും, എറണാകുളം മണ്ഡലത്തില്‍ വച്ച് 'വെന്തിങ്ങ' ഇടാന്‍ ശ്രമിച്ചതും കൊല്ലത്ത് വച്ച് 'മഞ്ഞ/കാവി' ഉടുപ്പിക്കാന്‍ ശ്രമിച്ചതും അദ്ദേഹത്തെ വളരെ തളര്‍ത്തിയിരുന്നു. എങ്കിലും ജീവന്റെ മൃതദേഹം സംസ്കരിക്കില്ല എന്നു ജീവന്റെ വളര്‍ത്തച്ചന്‍ ശ്രീ.വിജയന്‍ അറിയിച്ചു.

കേരളത്തില്‍ നാലാം മുന്നണി??!!

കേരളത്തില്‍ സര്‍വ്വ ശ്രീ.അബ്ദുള്ള കുട്ടി, വീരേന്ദ്ര കുമാര്‍, മുരളീധരന്‍, പി.സി.തോമസ് തുടങ്ങിയവര്‍ ചേര്‍ന്ന്ഒരു നാലാം മുന്നണി തുടങ്ങണം. രാഷ്ട്രീയ തമോ ഗര്‍ത്തങ്ങളില്‍ അപ്രത്യക്ഷരായ സര്‍വ്വ ശ്രീ.കെ.പി.ഉണ്ണികൃഷ്ണന്‍, കൃഷ്ണകുമാര്‍ ... തുടങ്ങിയവരെയും കൂട്ടുമോ എന്നറിയില്ല!! നാലാം മുന്നണി ഇല്ലെങ്കില്‍ ഈ രാഷ്ട്രീയ അനാഥന്മാര്‍ക്ക് ആലുവയിലെ 'ജനസേവ കേന്ദ്രം' എങ്കിലും അഭയം കൊടുക്കുമായിരിക്കും. രാഷ്ട്രീയ 'തൃശങ്കു' എന്നപദത്തിന്റെ അര്‍ത്ഥം മുകളില്‍ പറഞ്ഞ വ്യക്തികളോട് ചോദിച്ചാല്‍ കൃത്യമായി പറഞ്ഞു തരും.

ബഹുഭാര്യത്വം - മൈനയുടെ ലേഖനം

മൈനയുടെ ലേഖനം നാട്ടുപച്ചയില്‍ വന്നത് വായിച്ചു. നന്നായിട്ടുണ്ട് വിവരണം. കുറച്ചു പെരുപ്പിചിട്ടുന്ടെന്കിലും ഒരു നഗ്നസത്യാത്തിലേക്ക് വാതില്‍ തുറക്കുന്നു മൈന. സാമാന്യവല്കരണത്തിനു സാധ്യതയുണ്ട്, ഈ ലേഖനം വായിച്ചാല്‍. (എല്ലാ മുസ്ലിം പുരുഷന്മാരും ഗള്‍ഫ് മലയാളികളും ഇങ്ങിനെയാണെന്ന് ആരും ധരിച്ചേക്കരുത്). പൂര്‍ണ ലേഖനം ദാ ഇവിടെ.
എന്തായാലും മൈന നല്ലൊരു ഗവേഷണം നടത്തിയിരിക്കുന്നു. അന്വേഷണാത്മക പത്രപ്രവര്‍ത്തനം,,,, അഭിനന്ദനങ്ങള്‍!!!

മാതൃഭൂമിയിലെ ബ്ലോഗന

ബ്ലോഗെഴുത്തുകാരില്‍ പല പ്രശസ്തരായ പത്രപ്രവര്‍ത്തകരും എഴുത്തുകാരും ഉണ്ട്. അച്ചടി മാദ്ധ്യമങ്ങളില്‍ പയറ്റി തെളിഞ്ഞ ഇവര്‍ എന്തിനാണ് ബ്ലോഗ്ഗില്‍ കയറി കസര്‍ത്ത് കാണിക്കുന്നതെന്ന് ഒരു എത്തും പിടിയും കിട്ടുന്നില്ല. ഉദാ: കുഴൂര്‍ വില്‍സന്‍, ബെര്‍ലി തോമസ് ... മാതൃഭൂമി കുറച്ചു കാലമായി ആഴ്ചപതിപ്പില്‍ 'ബ്ലോഗന' എന്നാ പേരില്‍ ഒരു പംക്തി തുടങ്ങിയിട്ടുണ്ട്. മകളില്‍ പറഞ്ഞ പ്രശസ്തരുടെ മാത്രം രചനകള്‍ ആ പംക്തിയിലൂടെ വരുന്നു. കഴിഞ്ഞ ആഴ്ച വന്ന ഒരു ലേഖനം കണ്ടു ശരിക്കും ഞെട്ടിപ്പോയി 'മാംസാഹാരം ശരീരത്തെ ഒറ്റി കൊടിക്കുന്നു' എന്നാ തക്കെട്ടില്‍, 'കുറിഞ്ഞി ഓണ്‍ലൈന്‍-ഇല്‍' വന്നത്. കുറിഞ്ഞി അതില്‍ തന്നെ പറഞ്ഞിട്ടുണ്ട് ഈ ലേഖനത്തിലെ ആശയം മാതൃഭൂമി വാരാന്ത്യ പതിപ്പില്‍ വന്ന ഒരു ലേഖനത്തില്‍ നിന്നാണ് എന്ന്??!! പറഞ്ഞു വരുമ്പോള്‍ 'മൂഷിക സ്ത്രീ . . .' എന്നപോലെ,, ഈ ബ്ലോഗന എന്ന പേരില്‍ പുതിയ പംക്തി തുടങ്ങിയിരിക്കുന്നത് ഒരു വിഭാഗം വായനക്കാരെ സുഖിപ്പിക്കാനും ആകര്‍ഷിക്കാനും വേണ്ടി മാത്രമാണ്. അല്ലാതെ ബ്ലോഗ്ഗില്‍ ഉയര്‍ന്നുവരുന്ന, സാധാരണ എഴുത്തുകാരുടെ നല്ല രചനകള്‍ വെളിച്ചം കാണിക്കാനല്ല.

ഓസ്കാര്‍ - തെരുവ് പട്ടിക്ക്?

തെരുവിലെ ഒരു ദരിദ്ര ബാലന് 'റിയാലിറ്റി ഷോ' വില്‍ പങ്കെടുത്തു ഒന്നാം സ്ഥാനത്ത് എത്താന്‍ കഴിയുന്ന കഥ പറഞ്ഞ 'Slumdog Millionaire' എന്ന സിനിമയ്ക്ക് ഇത്തവണ ഓസ്കാര്‍ പെരുമഴ. ഇവിടെ ഒരു ചോദ്യം - തെരുവിലെ /ചേരിയിലെ ദരിദ്ര ബാലനെ 'Slumdog' അഥവാ 'തെരുവ് പട്ടി' എന്ന് വിളിക്കുന്നത് ശരിയാണൊ? SLUM -ഇല്‍ താമസിക്കുന്നവര്‍ എല്ലാം DOGS ആണോ?? ആ TITLE ഒഴിവാക്കികൂടായിരുന്നോ? ഒരു വിദേശിക്ക് ഇന്ത്യയോടുള്ള പുശ്ച്ചം ആണോ ഈ തലക്കെട്ടില്‍ നിറയുന്നത്? ഇന്ത്യക്കാരെ മൊത്തത്തില്‍ ആണോ 'പട്ടികള്‍' എന്ന് വിളിച്ചിരിക്കുന്നത്? എ.ആര്‍.റഹ്മാന്‍ ഇതിലും നല്ല എത്രയോ ഗാനങ്ങള്‍ സൃഷ്ടിച്ചിരിക്കുന്നു?

ബുള്ളെറ്റ് ട്രെയിന്‍ കേരളത്തില്‍ ??

ബുള്ളെറ്റ് ട്രെയിന്‍ കേരളത്തില്‍ ഓടിക്കുന്നതിനുള്ള സാധ്യതാ പഠനം നടത്തുമെന്ന്‌ റെയില്‍വേ ബഡ്ജറ്റ് പറയുന്നു. ബുള്ളെറ്റ് ട്രെയിന്‍വേഗത മണിക്കൂറില്‍ 250-350 കി.മി. ആണത്രേ !! എന്തിനാ സാറന്മാരെ വെറുതെ ആശിപ്പിക്കുനത്? കേരളത്തിനെ ഭൂപ്രക്രിതിയ്ക്ക് ഇത്ര വേഗമുള്ള ട്രെയിന്‍ യോജിക്കുമോ? എന്തിനാ വെറുതെ?
വന്ചിനാട് എക്സ്പ്രസ്സ് ഏറണാകുളം വിടുന്നത് രാവിലെ 5 മണിക്കാണ് . അത് തിരുവനന്തപുരത്ത് എത്തുന്നത്‌ 10 മണിക്കും. ദൂരം 220 കി.മി. അതായത് 45-50 കി.മി. വേഗതയിലാണ് ഈ ട്രെയിന്‍ സഞ്ചരിക്കുന്നത്‌. ഇതാണ് കേരളത്തിലോടുന്ന മിക്ക ട്രെയിനുകളുടെയും വേഗത.
ഇപ്പോഴുള്ള അടിസ്ഥാന സൌകര്യങ്ങള്‍ ഒന്നു കൂടി മെച്ചപ്പെടുത്തി 'ഡബിള്‍ ലൈന്‍' പണി പൂര്‍ത്തിയാക്കിയാല്‍ ഒരു 150 കി.മി. വെങതയിലോടുന്ന ട്രെയിനുകളെ ക്കുറിച്ച് നമുക്കു ചിന്തിക്കാം. അപ്പോള്‍ തന്നെ എറണാകുളം-തിരുവനന്തപുരം റൂട്ടില്‍ ഓടാന്‍ രണ്ടു മണിക്കൂറില്‍ താഴെ മതിയാവും. അത് തന്നെ കേരളീയരുടെ ജീവിതത്തില്‍ എത്ര വലിയ മാറ്റം വരുത്തും. .. അത് കൊണ്ടു നമുക്ക്‌ നടക്കുന്ന കാര്യം വല്ലതും ആലോചിക്കാം. എന്നിട്ട് പോരെ 'ബുള്ളെറ്റ് ട്രെയിന്‍' ???

പുതിയ ഒരു പത്രം കൂടി (സ്വപ്നം)

ഞാന്‍ ഇന്നലെ രാത്രി ഒരു സ്വപ്നം കണ്ടു. രാവിലെ പത്രം തുറന്നു ഏഴാം പേജ് നോക്കിയപ്പോള്‍ 'ചരമ കോളം' ഇല്ല!! പകരം, വിവാഹിതരായി, ഒന്നാം ജന്മ ദിനാശംസകള്‍ . . . ഇത്യാദി. നല്ല കാര്യം. ഈ മരിച്ചവരുടെ ഫോട്ടോ കണി കാണുന്നതിന് പകരം ഈ ആശയം കൊള്ളാം. കിണറ്റില്‍ ചാടി, ട്രെയിന്‍ നു തലവച്ചു, വാഹനാപകടം, തൂങ്ങി മരണം ഒന്നും ഇല്ലാ.. . . ഹായ് എന്ത് നല്ല പത്രം. "ശരിക്കും ശുഭദിനം" തന്നെ. ഞാന്‍ ഉടനെ പത്രമാപ്പീസിലെയ്ക്ക് വിളിച്ചു. 'ഇതിനെന്തു ചെലവു വരും?' എന്ന് ചോദിച്ചു. സര്‍ ഇതിന് ഞങ്ങള്‍ പൈസ വാങ്ങുന്നില്ല. ഫ്രീ സര്‍വീസ് ആണ്!!! ആരെങ്കിലും വിവാഹം കഴിച്ചാല്‍, അല്ലെങ്കില്‍ നിങ്ങളുടെ കുട്ടിയുടെ ഒന്നാം പിറന്നാള്‍ ആണെന്കില്‍ ഒരു ഫോട്ടോ കൊണ്ടന്നു തന്നാല്‍ മതി. ബാക്കി ഞങ്ങള്‍ ഏറ്റു.... wow ??!! (എന്തു സുന്ദരമായ സ്വപ്നം)
ഓ. ടോ: നിങ്ങളുടെ പടം പത്രത്തില്‍ സൌജന്യമായി വരണം എങ്കില്‍ നിങ്ങള്‍ മരിക്കണം. പൊതുജനം മരിച്ചവരുടെ വാര്‍ത്തയും ചിത്രവും കാണാന്‍ ഇഷ്ടപ്പെടുന്നു. അല്ലാതെ ജനിച്ചവേരുടെ അല്ല.